婚禮全面睇 - 晨早編

各位, 婚禮全面睇, 正式開始!

日期: 2006年12月26日
地點: 荃灣熊貓酒店
我老婆早上更係化個靚妝先啦, 至於我老婆個朝的趣事有機會的話再同大家講(因為我都唔知啊)
我(Angela)結婚要9點接新娘,所以結婚前個晚12:00倒就躺在床上...過左一陣就訓到無知覺啦!!
直到早上5點比alarm吵醒,當然仲係好想訓啦!!!

我好不情願咁爬左起身去拾我D眼耳口鼻!

化妝師好約時6點就到左啦!!但因化妝師,我,伴娘都未食早餐於是叫左我細佬去買左幾個
"麥當當"早餐!而D姊妹亦都開始陸陸續續來到了!!好怏咁準備晒D遊戲
而其中一個姊妹要負責買冰而佢唔知原來接新娘個地方附近有得買,所以佢買左包冰由
長沙灣 "羅" 去荃灣!來到佢都覺得自己笨左!!
時間差唔多啦!!新郎!各位兄弟!!準備接我D姊姊招啦~~~

結婚當日, 好多事都好重要要注意的, 其中一樣就係時間啦,  要準時接新娘, 準時行禮,
準時開席,但係第一樣要準時做的更係準時起身啦, 偏偏第一件事就做唔到啦,
本來諗住個朝6:00起身,個晚已經set 左 alarm, 諗住可以安心訓啦,
點知第二朝, 忽然聽到我老豆"shhh"我,

跟住望下個天, 黑到死, 唔似夠鐘啊!   做咩'shhh"我啊,  再望下個鐘, 嘩 6:45啦,

兩個字"大鑊"即時出現, 都唔理個鬧鐘點解唔響啦, 第一時間衝去廁所,

咁q我啊媽由廁所衝出黎, 心想好彩, 平時佢冇兩三個字都唔出黎, 

跟住我用極快速完成所有事項

(咩事項唔好講啦, 都係大家會做過d啦!), 但係更勁的係啊媽已經換完衫衝左出街

(應該去左set頭),  完來佢比我更urgent! 最後都好彩7:30已經準備好一齊可以出發啦!

個朝其實我係同攝影師tony一齊by taxi去荃灣, 咪call定紅的囉, 點知落到去成條街都係紅的,

就係咁係一篇"紅的"車海找回我call了那輛, 真係有d戇居!

係有d戇居加有d自己嚇自己的大鑊後, 終於安全到達荃灣啦! 各位兄弟都好盡時到, very good!

不過其中一個兄弟(老婆個細佬)竟然冇打領太喎, 其實佢係唔識打啫


咁我咪幫佢一把囉

 
跟住全班兄弟就一齊去接新娘, go!!!
到達酒店秀房間後, 竟然見到 另一個新郎哥, 心諗做咩啊? 我老婆被人搶咗啊??
完來咁岩有第二批新人接新娘! 好, 冇事啦, 到我們開始準備接新娘啦,
例排咁等攝影師係出面影幾張兄弟相再入去影幾張姊妹情況就可以開始啦, 等啊等,
9點過咗幾分鐘啦喎仲未得啊?? 再等啊等, 此時升降機門打開, 步出嚟的竟然是伯母,
 唔係啊! 妳唔係應該係房咩, 我仲要娶妳個女架喎, 唔通我早咗? 定係同我一樣遲咗起身呢?
腦海中好多疑問之際, 升降機門再度開啟, 又一個熟識的人出現   -    
世伯!!  
世伯點解你又係到架, 佢答我" 駛咩咁早啊 !!"   吓! 接新娘唔係要準時咩??
見佢施施然行入房, 我又唔急囉, 反正遲D入去又可以玩小D遊戲, 好啊!, 再慢D啦!
等到9:15分鐘, 終於可以接新娘啦!
 
預告篇:  下回會講吓點接新娘, 點樣玩我同我d兄弟, 仲有好多相睇架

                                                                    by 高脂物體