今次我地又參加左社區中心舉辦既活動~
去左發現號VESSEL + 官塘海濱公園。
發現號VESSEL 係一個社區菜園由三個場地所組成 :
集合當代藝術／文化活，動社區服務及計劃都市農場
發現號VESSEL位於觀塘海濱公園旁，觀塘繞道下
地址：觀塘海濱道126，90及86號
今日既行程好豐富，去到就坐底講下今日要做D乜先。
每一檯都有個袋入面有唔同既葉，要係菜園搵返呢D植物去制作今日既LUNCH
之後就出發參加導賞同搵食材啦~
社區菜園種植地方分左2區的
我地先去第3區的菜園
基本種既植物都係食得的，多到有D品種都唔係好記得。
有薯仔、紅蘿蔔、白蘿蔔、香茅、荷蘭豆、羽衣甘藍等等…
導賞姐姐仲比小朋友試摘同即刻食埋個荷蘭豆添~
小朋友仲要幫手摘羽衣甘藍
原來用鹽同橄欖油焗完出來好似紫菜咁脆脆地的
下一個任務就係摘紅菜頭
同埋摘紅蘿蔔
摘完我地就去第2區菜區摘香草，
一陣整香草茶同整紅蘿蔔同紅菜頭用的。
仲有好多唔同既香草，仲可以摘來試下添，
有D就好甜，有D好似wasabi咁嫁~
搵晒食材就攞去整LUNCH同花草茶啦~
社區中心仲另外安排左到會比大家食。
ALISON仲洗菜洗濕埋條褲，好在我有帶多條裙褲出街比佢換。
食飽飽我地就到官塘海濱公園玩，
公園分左4個玩樂主題區: 嗅覺、聽覺、視覺、觸覺
2個直頭玩到唔想走
夠鍾我地就集合坐返社區中心安排既旅遊巴返去了
高脂物體 Facebook: https://www.facebook.com/ansonyalison
Blogspot: http://ansonyalison.blogspot.hk/
Sina Blog: http://angelayanson.mysinablog.com/
She Blog: http://blog.she.com/ansonyalison
