Day 3 (4/2)
->萬座毛
->名護aeon
->orion啤酒廠
->名護動植物公園
->lunch 暖慕拉麵
->名護菠蘿園
->okinawa水果樂園
->dino恐龍樂園+御菓子御殿(由於落雨及17:15先到只在門口影相)
->dinner 名護ゆきの食堂(Yukino) (已book位)
今日朝早已經落雨,當時仲考慮去唔去萬座毛,
老公話反正都順路就去埋啦。
去到見到大風又微雨,老公加仔女都唔落車,
我為有做勇士沖去影返幾張相啦😂😂
去到名護先9點幾,仲有個成個鍾先去啤酒廠,所以去aeon行一陣。
Orion啤酒廠有免費導賞團
建議先到官網登記參加
https://www.orionbeer.co.jp/brewerytour/
一入登記處就見到創業時期的糖化槽!
(參觀時間約35分鐘+試飲時間20分鐘)
Orion歷史及各種口味的啤酒
唔識日文都唔緊要,工作人員會比本中文導賞資料你睇。
ORION啤酒製造過程:
原料、輾碎 -> 釀造-> 發酵 -> 貯酒、過濾 -> 裝瓶
一分鐘可以生產出咁多啤酒
參觀完可以免費試飲新鮮 ORION 啤酒,每人兩杯
駕駛人士不能飲酒,會獲發呢款印章
駕駛人士或未成年人士(20歲以下)則可選一杯不含酒精飲品(都有5款選擇)。
每人仲有1包送酒花生
食完行就行去隔離買返少少ORION特產
參觀啤酒廠後見無雨就即刻去名護動植物公園
d雀係周圍走,可以近距離餵動物
仔女每人買了1包糧餵動物
雀仔見到有野食就跟住來,阿女又要驚又要餵
😂😂
之後就去名護暖慕拉麵lunch,
一泊好車已經見不斷有人走入拉麵鋪,
好在等了一陣就有位。
老公覺得個湯都幾咸
反而anson個款無咁咸喎
食飽再去菠蘿園同隔離的水果樂園。
仔女去菠蘿園無乜特野都係坐下菠蘿車。
隻菠蘿園歌都好洗腦,阿女勁鍾意聽。
坐完菠蘿車之後就可以係園區都行
菠蘿園入面都有個少少既貝殼館,
行完就過隔離既水果樂園
去到水果樂園要做任務
解開機關同有解謎遊戲
救出水果國王
除左有水果仲有動物睇,
可惜我地去時都有雨所以只在園內玩
無行到室外地方呢!
參觀完見有少少時間就再去恐龍樂園
但去到又開始落雨,
而且阿女去到門口見到d恐龍都驚。
其實之前佢地見有人在恐龍樂園有扭蛋
但我地就找不到了,唔知係咪要入園才有呢?
為有失望而回,係門口影左幾個相就算了。
晚餐Book了名護ゆきの食堂(Yukino)
我地18:00到達已經泊滿車,
入到店內都坐了好多人,食物唔錯而且都抵食。
食完就駕車返酒店,由名護返恩納條路真係幾黑
又少街燈仲要落雨添。
(尋日可能塞車周圍都係車又唔覺咁黑)
返到酒店8點見無雨又去買包煙花放。
而且酒店入住送了¥1500+另加不打掃的回贈
我地又去了1樓商店用來買手信
Sina Blog: http://angelayanson.mysinablog.com/