想體驗不一樣嘅動感聖誕?
聖誕節香港科學園就有個特備科學體驗活動：
動感科學園地 ─ 聖誕科學遊樂園
透過工作坊、小實驗同趣味遊戲等讓小朋友吸收科學知識，
啟發創意思維。多個唔同嘅主題工作坊，
每個工作坊適合唔同年齡既小朋友，４歲以上小朋友就玩得！
部份活動門票於Cityline購票通網頁優先發售。
活動現場亦設有部分即日門票公開發售。
多謝科學園邀請，Alison今次玩左5個工作坊~
(Anson由於參加同學生日會所以去唔到今次既活動)
Alison就話今次既工作坊好好玩，仲話返屋企要教哥哥玩添~
雖然Alison未必明白當中的科學原理，
不過透過今次活動應該都啟發到佢既創意同培養到佢對科學既興趣。
工作坊1 : 閃亮聖誕樹
先用紙卡砌好聖誕樹及聖誕老人
再利用電子積木及燈泡點亮聖誕樹，並讓聖誕老人動起來
除左聖誕樹會亮燈，聖誕老人會轉圈嫁~
工作坊2: 迷你吸塵機
使用膠水瓶同摩打，製作成既環保又實用的迷你吸塵機
估唔到真係吸到喎嫁~
工作坊3 : 牙刷刷機械人
一隻少少既牙刷都可以製造機械人玩具。
如果製作成功隻牙刷機械人係會向前行的，
但Mama製作完係不停打圈囉~
返屋企要再改良下先得
工作坊4: 冰雪聖誕球
原來利用指甲油(油性顏料)加入水中已經可以為塑膠球上色，
輕易製作聖誕裝飾~
仲利用吸水珠珠物料做實驗，加上大量水就將「雪」製造出來。
係咪好似呢?
做完工作坊仲有30分鐘先到下個工作坊，
於是同Alison落去行下見到
科學夢想聖誕樹，
有個哥哥叫佢寫佢既科學夢想掛上聖誕樹
(咁mama同alison代寫啦)，仲請alison食糖果添。
再去玩左2次
活力彈床，就返上去做工作坊啦~
工作坊5: 舞動小雪人
利用聲控裝置既電子積木去製作跳舞既雪人
Alison好努力同mama一齊跟住導師砌砌砌，
積木聲控配件連接好後，Alison對住配件講野，
雪人就好似跳舞咁，Alison好興奮呀!
係咁話好得意~
今個聖誕節，帶埋小朋友去香港科學園，體驗不一樣嘅動感聖誕啦。
活動詳情：http://goo.gl/cX3daa
動感科學園地 ─ 聖誕科學遊樂園
日期：由11月22日起至12月20日(逢星期日)
時間：下午1時至6時
地點：香港科學園
Sina Blog: http://angelayanson.mysinablog.com/
