熱到溶左@上水假日農場

上水假日農場係Anson同學仔媽媽自組攪的

本來4月時去的，但因天雨關係改到今日先去

真係辛苦晒同學仔媽媽，除左Book農莊仲包埋車添!

我地10點鬆D就去到農場

職員先帶我地遊覽農場

有植物園，好多不同既農作物

小小動物園，而有興趣可以於自由活動時間買食物餵飼小動物

我地去到原野活動區，體驗農夫生活

 入面有農耕體驗場、翻土、灌溉、打水、 人力車、腳踏水車等等

我地再跟職員行返去

坐定定聽聽職員講講今日既活動安排

就開始自由活動同lunch至1:00pm

圖中的掉波波佢地都玩左成個鐘

Alison之後再去左小磨坊區

玩石磨、可坎、騎馬仔

上到遊戲場好在都有D風同雲

無朝早咁曬咁辛苦

Alison初初玩樹屋滑梯勁驚嫁!

次次叫驚要Papa扶，玩玩下就無咁驚仲自己玩添~

由於有D遊戲唔係咁啱Alison玩，

所以佢都係玩,下沙、同Papa推下人力，玩下氹氹轉

Anson就更係唔會放過玩剌激活動既機會啦~

差唔多每個遊戲佢都玩晒

激波船(好多人排，玩左3次)

泰山 (都多人，玩左32次)

阿拉飛氈 (每次排幾個人only，玩左十幾二十次)

震盪高搖板 (玩左2次)

**智能遊戲場有部份活動是限定時間1:00pm-3:00pm 開放的

 Anson同Alison玩到咁上下又跟同學仔去餵兔仔

 

 去到3點鬆D，農莊放晒D山羊出來

山羊係草地到周圍行，仲行左落遊戲區添

雖然今日勁熱，但無阻一班小朋友玩既興致，個個都話好好玩 

其實仲有好多遊戲都未玩晒嫁，希望有機會再去玩啦~

假日農場是一所提倡自然教育、活動教學及綠色文化的有機農場。

農場集環保創意、教育與娛樂兼具的風格，

創造一系列的歷奇活動、自然動力玩樂設施及有趣的環保工作坊。

假日農場希望透過各項活動，令參加者能認識自然生態循環運作，

加強保護大自然的意識及對環境保護的重要性。

假日農場資料 ---> http://holidayfarm.hk/landing.htm

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison 

熱到爆@海洋公園

Alison學校早前派左海洋公園飛

一早起身就帶大佢地去玩

見仲未好多人，一去到就先坐左纜車上去先

我地見海洋劇場差唔多有得睇

就去睇左先 

Alison係第一次見海豚表演

佢睇得好興奮

之後我地就去鯊魚館，Alison未入已經驚定先仲要papa抱住入

仲係咁話快D走，佢應該好怕會比鯊魚食左

我地繼續再行埋水母館，行完一次，

佢地要求再行多次，我地total入左去2次

之後再行埋中華鱘館，我地就去食lunch同休息下先

 講解海獅的特性中

佢地仲記得上次餵過海獅，今次更係要求再餵啦

入場行過已經見到夏水禮準備中

Anson同Alison見到已經勁想去玩

去到天上王者就開場了，我地就入去睇埋

因為太熱了，連D凳都熱到發辣patpat

坐木馬

Anson要求自己坐一部車，佢一路坐一路陰陰嘴笑

今次我地玩既活動真係唔多，得幾個咋! 

每次去坐纜車經過都見澳洲歷期

但又唔知係乜東東

今日終於去左睇，原來入面係有袋鼠同樹熊嫁 

走之前Anson要求去海洋館行返一轉 

Alison唔肯去海洋館，佢同Papa去左睇熊貓

仲睇到唔想走添

 由於今日太熱了，所以我地主力係睇館多，玩既少

咁樣行下行下都差唔多行左一日

而夏水禮就....諗下遲D同唔同佢地去啦~

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison 

親子王國 x D．PARK會員獨家試玩「多元智能體驗旅程」

親子王國 x D．PARK愉景新城舉辦

會員獨家試玩「多元智能體驗旅程」

咁啱Alison學校假期而Anson就放半日可以報名一齊去玩

逾4萬呎室內及室外遊樂設施，樂園設有四大主題「多元智能專區」

「中央公園」、「亞馬遜學園」、「愉快天地」和「鯨魚花園」，

讓小朋友能在遊玩中成長和激發多元智能發展

今日我地就試玩幾個區域

首先我地去到「愉快天地」: M.I.英文語境課程

同外籍老師玩遊戲學英文

不知不覺玩左成個鐘，小朋友們玩得好開心

之後我地就再去「亞馬遜學園」到玩

相比之前來過時多左好多野玩

Anson同Alison真係玩得好落力

玩到成身汗 haha~

玩左30分鐘又轉去玩下一個地方啦~

最後就去左試玩「中央公園」 

每次去玩都有D唔同既設施

地方又大又好啱小朋友玩，由其夏天咁熱係到玩一流!

玩左30分鐘要走了，佢地玩到唔捨得走

知啦，遲下再帶你地再去玩啦!

佢地玩到謝晒!當晚未夠9點就訓左...

有關「多元智能學習樂園」更多資料可到: 

D．PARK愉景新城 Facebook: https://www.facebook.com/dparkhk/?fref=nf

D．PARK愉景新城網頁: http://www.dpark.com.hk/

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison