36週@糖水密密食

今日去左健康院檢查,都係摸肚,聽心跳見姑娘,走得!!

而體重方面都係每個星期重1磅多d (都好穩定)

其實我都唔係好明,佢地都無同我度盆骨.

咁又點知我個盆骨夠唔夠生BB呢??

由上星期開始日日都食唔同既野.

包括有芝麻糊,豆漿,白蓮鬚,腐竹雞蛋糖水...

咁多野食...真係好忙呀!!都有少少擔心會唔會有糖尿,

好在次次去健康院驗尿都PASS無問題姐!哈哈.

希望食左LEE D野之後,生BB真係生得快d,無咁辛苦啦!

又有野送??

今日收工返到屋企見到有袋野喎??(心諗乜來嫁??)

乜BB會咁多野送嫁??

35週4日

週數: 35weeks4days
體重 : 115磅
腰圍 : 38吋

今日去左睇醫生做驗查,不過高脂BB既size只有34週1日
同依家既週數都相差左1星期左右.
而醫生就話高脂BB約有2.4KG左右(即5磅多d)
但係高脂BB個頭仔仲未落去盆骨到,
所以最近1-2星期生既機會都好低..
醫生仲話我咁細粒如果BB太重都怕我會生唔到呢

不經不覺就快踏入懷孕期既36週了!!
好快就可以同高脂BB見面啦~~


依家高脂BB日日都好用力地踢...連高脂都話BB好大力呢

好在係我話訓覺時高脂BB都好聽話同我一齊訓.


如果唔係都唔知點算好呀!!

I like黃色小鴨

今日由於高脂要返工,下午得返自己一個,
但係又唔想咁早返屋企喎!!就走左去愉景新城行左陣.
去到柏奇親子見到有我最最最最最鍾意既黃色小鴨.


最後當然親高脂&我阿媽唔係到忍唔住買左小小野啦!!
(佢地成日都唔比我買野嫁!)買左一頂帽(太得意忍唔住買),一盒梳,一個冰敷袋
我仲join左做member,日後好多用品都會買黃色小鴨比黎BB用嫁

另外老闆娘去左日本旅行,回來後每人送左個袋比我地
(攞來生完bb出院時用都好喎~)

小老婆送俾高脂的驚喜

小老婆送俾高脂的就係下面隻船啦

隻船其實係一套卡通片one piece入面主角坐的海盜船嚟架

係唔係好可愛呢?

隻船仲有好多機關架, 不過show唔到俾大家睇

我已經決定咗等anson bb第日大過咗同佢一齊睇多一次套卡通片

仲有龍珠都係必睇, 不過要飛嚟睇, d定格悶到哩

多謝小老婆送俾我的驚喜