婚禮全面睇 - 行禮後篇

去到註冊處, d親朋戚友從四方八面咁出現, 一齊都準備就諸, 首先同註冊處d人準備一下
d手續, 跟住我老婆就去補補妝咁啦! 過了十分鐘左右便開始行禮, 心情並沒有特別緊張,
可能之前做過幾次兄弟啦! 一齊都駕輕就熟, 並冇蝦碌事發生, 本來都以為自己當時會好感動,
但係都冇發生到, 一齊都進行得好順利, 順利到自己都不相信! 
完成後大家就開開心心咁去影相, 就在此時, 側面d人叫我快d睇吓過邊啦!快d睇啦!
心諗有明星睇啊?  定係有靚女裸跑啊? 一望之下真係不得了! 個嘴當然係" o " 咗啦!
其他人一定同我一樣反應~!  我見到的其實只係一個新娘, 不過佢的衣著就十分特別啦!
不是十分靚, 不是十分sex, 而是十分"娘"! 有幾 " 娘"? 大家望望我所晝的就知道, 我並冇
特別誇張, 真係有9成似, 條衫真係咩style都冇, 就係得條紅色絲帶, 心諗~~佢打功夫架?
攪咩啊? 佢老公唔知會點諗呢? 係我的話一定係過日笠個紙袋先出街!
睇完功夫新娘之後, 大家就再影相啦! 影咗個多鐘之後就去酒樓了,
這part留到下次先講啦!

一輝Annual Dinner再報導

本來今年真係唔係好想去annual dinner , 一來已經去咗幾年, 二來仲要食中式自助餐,
但係老婆又好想去喎, 咪去囉!

去到酒樓已經鬼咁多人, 點知預先編排好的位都俾人坐埋, 搞咗一輪, 都叫做有位坐, 但係
我們親愛的同胞已經好似餓狼咁搶啊! 殺啊! 可憐的我地連餐具都未有, 咁我地就好自助咁
自己搵餐具啦, 好, 終於搵到啦! 準備搶啊!  出到去發覺比想像中好, 仲有好多野可以搶,
但係行咗個圈, 我只係搶咗一碟介菜(好大碟架, 諗住清清地食吓齋算啦)同一個蛋tat, that's all!
點知碟菜超咸, 怪得之俾我搶到啦! 即是話我只係得個tat可以食吓! 諗住去行多轉啦,
點知就在此時, 老闆竟然出嚟講話(講吓d開場白咁啦), 咁未乖乖地坐係到聽吓囉,
但係完來只係得我地香港個幾圍乖乖地, 其他同志門仍然係到殺啊! 跟住又要幫手舞台劇喎,
連食都冇得食, 好慘!
好在表現完之後d  餓狼已經食飽咗!又好彩地仲有好多野食, 都可以食得飽飽地
(不過都係d抄麵之類)!
跟住去到浴足又係好慘, 同我按腳過個女仔係到勁"遼"我, 又話我得意, 又話我耳朵小, 咀小,
跟住又話我唔似咁老喎, 最恐怖話我似韓國人喎, 攪錯啊我有雙眼皮架喎, 勁起上嚟三眼皮都得啊!
 點會係韓國人啊! 好彩我老婆係到, 如果唔係佢一定問"先生要唔要特別服務啊?"
第二日話說我要開會, 入到去見個broad寫住"西點xx"....,
整餅? 唔係啊! 咁好玩, 叫埋我老婆一齊玩開心d喎!
完來西點xx係一間管理學園的名, 佢地搵人嚟同我地上咗一個management的course!
由於我國語有限, 雖然昨晚跟按摩女郎講咗好鬼耐國語, 但仍然唔知佢講咩鬼,
仲衰個開會, 好彩講得超快, 不過都成個半鐘, 最後係一篇熱烈的掌聲中完成, 跟住食埋餐飯
就可以見反老婆啦!好嘢

一輝Annual Dinner直撃報導

27/1一年一度的一輝Annual Dinner又來了!!
約3點倒在元朗集合上旅遊巴,去到長安時約4點半了!!
而今次我們是住"長安國際酒店"比上年住個間靚好多呢!!
約7點係我地又出發去酒店附近的"錦繡酒家"食中式的Dinner Buffet!
去到時已有好多人,而我老公同佢D同事都忙於準備一陣要演出舞台劇!
(今次佢地公司共有7對參加比賽,當然頭幾名個D都有獎金啦!)
最後,我老公個隊最後得第2名!
食完飯我地一共十幾人一齊去做腳底桉摩(都係$50/80分鐘)
之後就回酒店休息了!到第2 朝我老公間公司D人安排左個節目就係7:30am行"連花山"
我地當然無去啦!!繼續訓覺,訓到8點先起身!9點落酒店的coffee shop食早餐buffet!
因我老公要開會so我就寂寞地回酒店房睇TV,到12:30又去"錦繡酒家"食佢公司安排的lunch
到3:00老公開完會啦!!同佢地公司的人一齊坐旅遊巴回香港!
就係咁完成左我地今次的行程啦~~

新BAR的睇法

話說之前咪買左大量既 " BAR " ，點知今日睇雜誌見到我最鍾意的WACOAL會係
銅鑼灣sogo開倉了!!仲等我買左咁多BAR現在無得再買啦!(失落中....

)

謂有等下一次開倉先再睇啦!!上星期着左D新BAR，我老公望住我睇到眼都突
之後仲話 :
"嘩!唔洗咁誇呀!我覺得對導彈依傢對住我,我睇唔慣呀!!"
我就回應佢 : "係呀!對導彈依傢準備射過來啦!"
所以話買左新BAR又有另一種感覺!

婚禮全面睇 - 行禮前篇

最初同老婆討論婚禮時, 佢極道堅持要去酒樓食lunch, 我咪解釋俾佢聽
我做咁多次兄弟都未同過新娘食飯, 有d因為覺得條衫落街痳煩啦, 有d因為唔夠時間換衫啦,
但係佢都十分堅持, 咁我未又佢囉, 事實最後佢都冇得落街食, 呵呵因為化妝師話同佢
從新set 個頭同化個妝, 時間足足用咗個半鐘, 我預計既食飯時間都係一樣個半鐘,
跟我個schedule又係一樣, 我都覺得自己好勁! 個時基本上我係係屋企部住老婆set 頭,
但係原來我班兄弟係酒樓好鬼緊張, 因為個時已經1:30 而注冊時間係2:40, 要由東涌出到
尖沙咀得唔得架, 大家都係到擔心夠唔夠時間架? 冇得擔心架啦, 出發啦!
咁我就坐住名貴的奔馳(benz),以極速奔馳於高速公路公路中, 到達尖沙咀才2:10,
但係就有D擔心兄弟姊妹架車, 佢地雖然都係坐住一架有名氣的車 - 三菱小巴一大架,
司機都係以極速奔馳, 不過極速係極安全的70KM/H
完來佢架車比公司鎖咗速度, 快D都唔得啊! 最後都係遲我地10分鐘左右就到啦! 可以去行禮啦!
順帶一提, 我地個有型司機係奔馳中又再之顯示佢的pro, 佢只係講咗一個電話, 好cool咁講:
黃生(冇尾音架)
係......
5場6, 7場8
跟住就收咗線
嘩, 連落馬欖都咁pro! 好野!

高脂物體的第一次

話說公司要請人喎, 請人就更係要interview啦, interview就更係要搵d高層見架啦,
但係manager竟然叫埋我入去一齊interview喎, 嚇得我啊!
一開始仲要我講先, 因為係second in 關係, 都唔知講咩好, 最後都係問番佢之前做咩啊?
點解要走啊? 條友一定心諗又問, 玩野啊! 跟住我又講吓我地間公司有咩做咁啦!
跟住manager叫我講吓間公司有咩福利喎!
福利? 咩公司有福利架? 我有冇架? 我都唔知喎! 我謂一享有個的福利未係結婚時個$800利是同
5日婚假囉, 唔通要我同佢講? 最後我都講唔出, manager就幫手講咗幾句, 完來長短周,
7日大假, 放勞工假, 雙糧, bonus就係福利啦
就係咁我的第一次就完咗

"逃"

昨晚剛剛睇完 "逃" 大結局, 真的不吐不快
"逃"係我近幾年我謂一全部睇哂的劇集, 就算miss咗我都 d/l 番嚟睇,
之前supernatural都有d/l但最後都冇睇番, 証明" 逃"真係好得,  簡單嚟講佢真係做到劇力萬分,
絕冇冷場, 你睇完即刻想睇下集個種(除咗一集回故各人點解入獄個集, 悶都死咗, 個集好彩係d/l番嚟,
可以飛嚟睇), 但係個結局真係.......過時講到micheal千辛萬苦咁去到機場, 點知架飛機走咗, 跟住
就出字幕啦, 心裡即時出現一個字" x " <---咩字自己諗啦! 總知火都嚟埋啦!
再問老婆 " 完啦? <---好斯文地! 
老婆答: "係啊, 完啦, 咩你唔知架?" 完來佢已經知道劇情!
完本起碼值9分的戲即時扣咗1分, 得番8分
不過好消息就係第二季係3月就有得睇啦! 今次真係超快, 美國都未做完就話有得睇, 好啊!
係這段時間睇住套hotel babylon先, 應該都幾好睇架, 講酒店入面的員工名人百態
逄星期四10:30, 我覺得karen同denis一定好鍾意睇

by 高脂物體

婚禮全面睇 - 回門篇

玩完遊戲奉完茶之後剛好10點, 跟我個schedule時間按排一樣, 咁之後就反男家啦!
當花車駛到我面前, 望咗兩眼都覺得架車幾得喎, 架車又新又清潔, 跟住司機步出嚟,
嘩! 好形仔喎! 一頭白銀色的頭髮, 廷直的西裝, 總之一望就知道佢pro啦! 佢俾我第一個
印象就係日本d的士司機, 帶唒白手套, 俾人鬧到隻狗咁 都笑笑口點頭個d呢! 勁似!
第二個俾我的印象就係佢後生個時一定迷倒不小少女又或者以家都仲可以迷倒不小師奶,
又好想問佢, 你有幾多個二奶啊?? 總之覺得佢唔係情聖就係情場偏子之類啦!
跟住原途都有望吓個司機又發覺佢好似一個人, 就係圖中這位啦!

係唔係好熟口面呢? 佢就係前任日本手相小泉純一朗啦! 唔係講笑, 真係有7,8 成似!

到達我屋企附近後, 因為要等保安員開啟消防通道才可以將車駛進, 咪停車係到等囉,
可能後面架兄弟車並不知道情況, 而且等候的時間都幾耐, 所以有位好樂於幫助他人
的兄弟一聲不發便上前向停車場職員問個究竟, 叫都叫唔住, 場面都幾攪笑, 不過都要
係到多謝這位兄弟的幫忙!
順利地反到屋企, 見到啊媽, 嘩! 鬼整佢化到個妝幾 "行" 啊, 好多friend事後都同我講
妳啊媽駛唔駛咁誇啊!? 妳啊媽個樣好惡啊! 今次真係"掉假"囉!
再一次跟原定的schedule時間完成奉茶, 好順利啊!

高脂物體小老婆的煩惱事

事原係咁的....前幾日落雨天想洗衫,點知比奶奶快我一步
(唉!!

洗唔到衫都算啦!最大鑊係我D BAR就來無得着)
於是,昨日決定放工唔OT走去睇下D BAR啦!
去到荃豐中心入面咪連住左幾個商場的.
行下行下見到間買BAR的鋪頭咪入去八下囉!
(當我決定左入去的時間就出事了....)
入到去當然係試BAR啦!而鋪頭D人亦都好professional,
如果你唔mind佢地亦好樂意幫你睇下個BAR適唔適合你!

而鋪頭D人亦介紹左我一款"思薇爾的BAR"
而我試左都覺得幾好喎!!而鋪頭D人都係着緊佢介紹比我個隻BAR                     
  (仲即時比我睇佢個BAR添!!)

咁我咪買來試下囉!!                                                                                                         

(而價錢就成3xx/個....買幾多個我就唔講啦!以免嚇親大家就唔好啦!)
正當我比完$$肉痛之際!心裡亦同時安慰自己,一般BAR都會着1年先換                  
而且如果着左個型靚左都值呀!
當我回家時就同老公講,我買左"BAR"
而佢又無乜反應比我,又唔興奮,攪到我好無"引"

   

(結婚又洗左好多$,之後又同我brother去旅行,再之後又要同老公渡蜜月,
而且我又係一個天生購物狂喎!!)
當晚我亦下定決心找"Part Time",希望可以幫補下!!

如果各位有好介紹都可以話我知嫁!!(part time只做星期六下午,日)                         

到今日下午食飯時,我D好同事又再開始佢地的"升脂,升磅"大計了!!
食左個雲南米線之後,有個女同事去買多個"菠蘿油".                                               
 而另一個男同事買左"3個豆沙燒餅"
買左之後就好滿足咁一路行一路食!                                                                       
   (當然我無食到啦!!因我已經係高脂嫁啦,再食會爆燈嫁)

婚禮全面睇 - 遊戲篇 II

上次講到點解班兄弟係到苦笑, 其實係望咁我玩咁另一個遊戲,
斑兄弟一定心諗好在冇我份玩啫, 其實個遊戲好簡單, 將隻腳放入一個戴滿冰的盆
入面, 再用腳指挾D糖出來, 可能我正在熱血的關係, 一D都唔覺D冰凍, 起勢咁挾D糖,
相反我另一個兄弟可能凍到腳指都僵咗, 挾到抽筋都挾唔到
 另一個遊戲係要D兄弟抽一樣物件, 之後要跟這個物件親吻
第一個係抽到一條UNDER, 睇佢個樣就知道佢好LIKE這條UNDER啦! 應該送反俾佢留念

第2個係抽到隻人字拖, 都冇咩野, 佢都好ENJOY吓! 不過得單拖, 唔好意頭,
而這位兄弟現在真係單拖冇女友, 各位女士門 如果想認識這位靚仔的話, 可以留低妳地的
電話, 我地會搵專人聯絡妳!

 
第3個最BAD LUCK的兄弟係抽到 "CREAM" 最後姊妹門好興奮地將D CREAM
"達"落佢反面到, 全中 真係要多謝這位兄弟另我避過一劫!
 順帶一提, 這位兄弟都未有女友, 如有興趣者, 留個言吧!
如有興趣者多與一名, 我們會以抽籤形式送出兄弟!
 
最後壓軸的當然係我啦! 我抽到的係一推"糞", 仲係由廁所擦 "了" 出來的糞,
 而且係"糞"中最核特的品種 - "蘭思"
色澤形態感覺都與真的"糞"冇分別,  加D味就真係PERFECT, 最後我與這推接近PERFECT的糞
影咗張相就玩完這個遊戲啦!

最後一個遊戲係找兄弟抱住我, 再行石春路, 之後讀愛的宣言, NOTHING SPECIAL
所以唔講啦!
當大家以為過關之際, 大家都忙了手上的貼紙, 大家都開始膽心痛唔痛呢?
哎呀!  完來一D都唔痛, 但各位兄弟都好識做, 唔想另D姊妹門失望,
所以大家都做吓戲扮吓痛咁啦! 之不過, 有一位兄弟並冇做戲, 唔......應該講佢做咗另
一場戲, 是關佢手毛超多, 異與常人, 當我望住D姊妹幫佢撕張貼紙時, 我都覺得痛啊
但佢堅持住, 並沒有慘叫, 也沒有講好痛,眼角亦未見有淚水, 大家望住張貼紙都嘩然,
超多手毛啊!

 

下回預告: 玩完遊戲之後更係到奉茶啦, 不過好鬼悶 - SKIP, 講吓停車場趣事同個司機有幾形啦