停電記

早兩日做做吓野

有個同事無啦啦走埋嚟

仲九唔塔八咁係我側面唱歌喎

唱咗兩句"不要問我從那裡來~~~ 不要問我從那裡來"

哩兩句利害囉! 唱完之後"boom"一聲  ~~ 停電

仲要唔係跳fuse咁簡單, 勁到成座大廈都冇哂電

哩位同事 ~ 妳都係最好唔好亂唱歌啦, 後果嚴重啊

同黎bb改咗名啦

同黎bb改既暫時只係英文名啫, 中文名出世之後先再改囉

我地同佢改咗叫Anson, 咁點解要叫Anson呢?

高脂物體的英文名係Anthony, 而小老婆係Angela

大家都係An字頭, 而son是兒子的意思

所以Anthony同Angela個仔仔就叫Anson啦

大家覺得個名好唔好呢?

奶粉尿片

前日收到BB會打電話來問下我既近況,

而且佢地都知我會首選餵人奶先,

於是BB會就送左2罐奶粉比我做 back up

估唔到咁快,今日就收到了~~ (不過發覺2罐都有少少"粒")

另外,高脂今日放工要去supermarket買野食.

行行下比我見到仲有Huggies "S"碼 (仲有大量貨添呀)

仲要係買緊$29.9 (最衰無"NB"碼)

我又忍唔住買多一包返屋企. 好在高脂無罵我咋!!

黎bb! 你架專車送到啦!

早前訂咗架bb車同床仔已經送咗去東涌一段時間

不過未有時間開嚟睇睇

等到星期日, 終於有時間可以開嚟試試

試完之後都幾滿意, 因為真係好輕同容易收合

圖片d色比較sharp, 實物絕對唔覺得係粉紅色

所以絕對岩黎bb架

另外仲有一set的保護物件, 黎bb一定坐得好安全同開心




有片為証, 真係單手就可以將bb車開合, 非常容易

張bb床係唔係好可愛呢? 張床仲包埋4"床褥架

小老婆生日怎樣過

今年小老婆生日一早已經決定咗去食tea buffet

佢仲自己一路上網搵資料添, 最後book咗帝苑

最初諗住就算冇其他野食, 食甜品都回本啦

點知連最出名的甜品都失手, 加上唔多款, 都幾失望


下次等老婆生完bb, 去todai填補吓今次的失落先得

今年提早咗慶祝之餘仲提早咗送禮物添

話說小老婆成日話個卡片套已經殘殘地, 正好時候換個

之前一向好鬼爭佢舊個死人卡片套
又細喎又多卡喎

每次搵張卡都要將所有卡由卡片套拎哂出嚟先搵到

所以我買咗個king size 卡片套送俾小老婆 (其實係鎖匙包)

以家搵卡方便得多囉

小老婆仲收到其他禮物架, 例如相架啦

由某史力仔迷送出的史力仔, 據聞她自己好想據為己有

到咗正日, 雖然都已經送咗禮物同食咗buffet, 不過返屋企食好似好悶

所以最後都係出咗街食, 仲送咗花俾小老婆添


今次d花係咁多年來買得最大最靚但又最平的一次啦

越諗越覺得情人節買花勁搵笨

生日小老婆心情當然大靚啦


當晚問老婆飲唔飲得可樂, 立即笑住口咁我講, 飲啦

平時... 問一次.......無反應

問兩次......就望吓你, 不過都係唔答你

第三次........先會答: 好啦! 飲啦飲啦! 仲要加多句肥死你啊

by 高脂物體

小老婆生日快樂

不知不覺間, 小老婆又大一歲啦

今年更係祝妳同bb都健健康康啦


最重要的係生完bb後立即 fit 哂

咁我又可以小野煩啦

仲要買野永遠都有超級無敵discount

by 高脂物體

終於收樓

今日終於去咗收樓, 估唔到都幾辛苦吓

一開始先去到大堂睇一段超無聊介紹房協的影片,

真係無聊到想走人

, 之後先帶我地去會所攪收樓手續

諗極都唔明點解唔一開始就係會所攪哂所有野

會所 (有兒童遊樂場,健身室,閱讀區,電腦區,燒烤場)

就係咁樣攪吓攪吓都攪咗成個鐘, 終於取到鎖匙上我地的新居

不過上樓之前都有個小驚喜, 竟然有入伙禮物送

不過只係一條毛巾, 一把雨傘同一個鎖匙扣

但係全部都非常"娘"咁印有景新台標誌

之前係網上見到好多新入伙的鄰居都會有漏水的情況

好在我地間屋咩事都冇, 睇咗兩個鐘都只係搵到d小問題

相信短期內大家都未有機會嚟我間新屋玩

因為要等小老婆生完bb後先開始動工整間屋, 預計最快都10月囉

先比d新居相大家睇吓先啦

細房

客廳

飯廳

廚房

廁所

(主人房景觀---唔好意思唔記得影個主人房添!)