參觀港鐵展廊@九龍站

又一親子免費好去處: 港鐵展廊

早幾個月一早Book定今日就同Anson & Alison去參選~

去到未夠鐘我地先係外面影下相先!

港鐵車票回憶牆 

由多張港鐵車票砌成

設於九龍站的港鐵展廊，是港鐵的時光隧道，

參觀人士可在這裡了解港鐵的以往與現在，以至未來的鐵路2.0。

讓大家一同回顧港鐵的發展，增加對港鐵的認識。

夠鐘啦~有導賞員帶我地入去港鐵展廊到參觀!

港鐵列車模型 : 有港鐵不同時代列車和輕鐵模型

港鐵列車知多少

多媒體互動遊戲及影片觀賞區，仲有以前MTR海報

最受小朋友大朋友歡迎就係一比一的列車實物模型，

小朋友一見到就沖晒入去

原來車廂入面有虛擬體驗區、體驗做車長駕駛列車

仲有新舊車廂對照

港鐵未來列車

影像區及制服展示

大約參選左1個鐘就離開，Anson同Alison都話好好玩 

可以到以下網址預約 ---> 

https://www.mtr.com.hk/ch/customer/exhibition/

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison

台北之旅 Day 5 (花博公園市集+回港)

第5日我地朝早係酒店食早餐執好行李，

就落去桃園捷運預辦登機同寄左行李先~

 坐長榮/中華航空可以預早去桃捷寄行李同攞登機証。

最少要早3個鐘去桃捷到攪，由於我地一早已買晒野，

再買都係手提上機，所以一早去寄行李咁唔洗帶到機場再攪。

去到捷運站有指示去登記辦理方向，行到去已經有職員，

問你做左網上報到未，再有部機比你選航空公司同上機時間，

再用passport放係部機到scan就取到登記証。

之後就行去隔離自助寄行李 (基本全個程序會有職員幫你)

寄左行李行去電視機睇住過機，無問題就取回收據就走得。

亦見到有d旅客行李太大要去隔離航空公司counter人手做寄行李。

攪掂晒就行返去台北捷運站繼續去玩，

當日係星期六我地去左圓山捷運出面既花博公園行，

逢星期六日仲有農民市集行添!

Anson同Alison就係市集對出玩彈床，

每人NT$150不限時玩，可惜當日都比較曬同熱，

玩左都無30 mins佢地就話唔玩了...

市集後面係MAJI集食行樂入面有好多小食檔同創意市集，

我地去左神農市場都行左一陣，入面除左有農產品之外

仲有一般超市難見的調味醬料

MAJI集食行樂 中間有免費迴旋木馬玩(排隊就玩得)，

另外有檔口玩彈珠NT$100一盤彈珠，玩完仲可以選禮物。

玩完就去台北車站微風食Lunch，行下台北地下街再出發去機場回程 

由台北車站坐桃捷去機場大約坐左40分鐘

去到機場直接入閘等上機，好方便

去到機場C3閘口出面仲有hello kitty 候機室，玩左陣，

又去C5閘口睇下書夠鐘再上機 ，一D都唔悶，

話咁快5日台北之旅就玩左了~

Anson同Alison對今次旅行都好滿意，好開心，好難忘!

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison

台北之旅 DAY 4 (草泥馬餐廳 + 淡水老街)

第4日朝我地去台北廾車站附近的永和豆漿食早餐

但係Papa話唔好食，而Anson同Alison睇落都唔多鍾意食，

佢地都食鍾意食西式早餐多D~

食完早餐我地就出發去淡水捷運站再轉車找草泥馬啦~

今次其實係Mama好想去搵草泥馬先至話去既!

由淡水捷運站搭860、861、862、863號車到北勢溪口站(車程約30mins)下車，

過馬路行1-2分鐘就到了。 (我地坐左860號車)

 Oia伊亞藝術咖啡館

新北市三芝區後厝里北勢子12-1號252 新北市

營業時間 11:00 - 20:00

其實落車行過對面一直見唔到個餐廳，Papa一路行一路話有係呢間餐廳嫁?

好在行前D就見到了~

去到餐廳需要每人點一個飲品或食物後，

先可以同草泥馬影相哦~

Anson見到草泥馬勁興奮，係餐廳係咁追住3隻草泥馬同佢地玩

餐廳外仲有其他草泥馬同羊仔

草泥馬好鍾意咬人D衫、袋、頭髮
Alison就好驚D草泥馬，陪佢一齊摸左幾下又唔夠膽再行埋去，
最後仲喊住要走

睇完草泥馬我地就坐車出返淡水，

見到有單車租都好平就租左單車比佢地玩下

踏完單車就去淡水老街到行一陣，

因為唔夠時間所以去唔到漁人碼頭了

夜晚我地就出返西門町到食日本野，
間鋪係2樓我地仲行過左差D搵唔到添~
個到D剌身飯都好食又平，Anson仲自己食晒一碗添!

食完Anson、 Alison & Papa話要返酒店休息
又係Mama自己行街街 Shopping  YEAH~~
返到酒店10點幾2個已經訓晒覺了

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison

台北之旅 DAY 3 (兒童新樂園+科教館便便展)

第3日朝早好好彩天陰陰無落雨，

我地去左麥記食早餐，

之後就出發去兒童新樂園啦~

我地係捷運士林站出口1到轉車去兒童新樂園

成人入場NT$30，小童NT$15，Alison未夠6歲唔洗比入場費

如果天氣好其實可以早D去MyDNA親子館買優惠飛咁就會平D

一入場就度高睇下玩到乜野遊戲先

機械人連Papa都話好玩NT$80 (3mins)

其他遊戲一般都係NT$20-30玩一次

玩左大部份遊戲又坐摩天輪，我地就行去室內遊樂場

室內遊樂場入面有D遊戲機可以換代幣，

玩遊戲都係大約NT$20-30玩一次

行話少少仲有個免費既playhouse，

去到可以即場或用兒童新樂園app取籌，

我地係平日去所以唔多人即場都排到下一場玩，

不過只張90-150cm內既小朋友入去玩

玩完就去美食廣場不過D野唔啱食，

過對面科教館既恐龍食場食lunch，

不過其實二邊既美食廣場D野食都好似麻麻地咁...

食飽就上科教館去便便展，便便展由29/3-11/6先有的，

Anson同Alison一開始聽到去便便展就話咁核突，

但係最估唔到入到去係玩到人地就關門都唔捨得走囉 Haha~

便便展結合知識、體驗與玩樂，一系列的互動遊戲，原來便便都可以咁有趣嫁！

腸道大冒險

自己化身成為食物便便，加入好玩刺激的腸道挑戰障礙賽，

從食道、胃、小腸、大腸，一邊闖關一邊玩，學習認識消化系統！

便便競賽車

野生動物管理員一日體驗，駕着便便競賽車找出指定動物便便，

體驗管理員的動物環境清理日常，搬運便便到指定地點！

便便鞦韆繩

純手工編織的便便鞦韆繩從天而降，讓你成為一坨坨的可愛便便盡情擺盪！

場內仲有好多動物便便展出，

仲有便便DIY同遊戲玩，不過Alison就係咁玩腸道大冒險

而Anson就係咁玩便便競賽車所以大會關門前行左一陣就走了

Alison仲話下次再想去便便展，不過可惜做到11/6就完囉!

一出科教館見到地下濕晒應該落左一輪雨呢~

玩完就出發到東門捷運站既永康街食dinner

先去度小月食擔仔麵、肉燥飯、花枝丸、大腸

難得Anson同Alison都話好食~

食完dinner行前D去左思慕昔食甜品，

D冰好凍呢，又落住少少雨越食越凍~

食完就Papa找到有巴士坐返酒店，

Mama就去左西門間家樂福睇下有無手信買

(其實間家樂福都幾遠，Mama又唔識路行左好耐先找到)

係西門町捷運2號出口行3個街口倒對面就係家樂福

高脂物體 Facebook: https://www.facebook.com/ansonyalison

Blogspot:  http://ansonyalison.blogspot.hk/

Sina Blog: http://angelayanson.mysinablog.com/

She Blog: http://blog.she.com/ansonyalison