第2日起身我地落酒店食早餐先，
早餐一般，雖然都好多選擇但Papa話唔係咁啱食
都食少少填左肚先啦!
第1晚到台北已經有少少雨
第2朝起身見個地下濕濕地，天陰陰但無落雨，
決定照去臺北市立動物園+貓空
坐臺北捷運，在動物園站下車就到
入場費亦好平全票NT$60元，優待票NT$30元
Alison由於未夠6歲所以免費入場
我地坐動物園既NT$5車上山再行返落去
動物園好大好多野睇坐臺北捷運，
不過Alison比較細膽有D動物又話驚唔鍾意
行左一半開始有D毛毛雨
係動物園睇到好多平時睇唔到既動物，
河馬、斑馬、長頸鹿、大象、犀牛、羊駝...
估唔到Alison到旅行完左都仲記得D動物呢~
行左近4個鍾又有D肚餓又開始落大雨，
我地買左少少野食，一路食一路等停雨。
食完Lunch見雨細返好多就行埋動物園過去坐貓空
上到貓空站中伏超大風行左2分鐘都無，
頂唔順沖返去坐纜車落返去
去完動物園同貓空，Anson同Alison話要回酒店休息下先，
見有時間Papa就同佢地返酒店，而Mama就有另一個重要任務要做，
就係...去龍山寺捷運站3號出口對面既MYDNA親子館買平門票
基本上大部份玩同食既優惠門票都有得買，
Mama主要去買科教館既便便展門票，
本來想買埋兒童新樂園既優惠飛，不過又怕之後落雨去唔到所以無買到。
買完飛就回酒店同Papa會合，
見落雨濕濕都唔想周圍行，大家想食小籠包，
近近地去左點水樓到食。
點水樓係今次行程最貴既一餐，
眼見好多都係遊客，價格亦偏貴，不過Papa就話好食。
我地點左牛肉麵、蔥油餅(用宜蘭三星蔥)、小籠包、酸辣湯、櫻花蝦炒飯
食飽飽就行左一陣光南大批發就返酒店休息。
高脂物體 Facebook: https://www.facebook.com/ansonyalison
Blogspot: http://ansonyalison.blogspot.hk/
Sina Blog: http://angelayanson.mysinablog.com/
She Blog: http://blog.she.com/ansonyalison
沒有留言:
張貼留言