ANSON玩波波~

Anson 第日可能係一個非常有天份的足球員

幾個月大就愛上踢波波,

不過佢亦都好有可能係一個失敗的足球員

因為佢同媽咪一樣得3分鐘熱度,

事實證明第二日再同anson玩

不過佢已經唔鍾意再踢波囉

不過anson第一次踢波真係玩得勁開心!!

anson出世後第一次自己去差電

Anson出世後真係比咗唔小的時間比佢, 好小去街玩囉

難得朋友仔生日, 一於出去差吓電先

今次去到海洋公園心態都唔同咗囉

多咗留意D爸爸媽媽, 睇吓佢地點樣睇住個 BB

睇完之後, 我非常肯定要等ANSON識行識走先好嚟

見D爸爸推住架BB車再拎住一大袋野, 再係路邊換糞片

............anson, 你都係等吓吧啦! 反正你去到都係呆住咁望住d動物

對你嚟講同望住屋企隻玩具雞雞應該冇咩大分別

望吓d爸爸媽媽之餘再望吓其他人發覺有幾多女人著住

高跟鞋同短裙仔嚟海洋公園, 真係配服配服

今次冇咗ANSON, 影相目標當然落係動物身上啦

去咁多次海洋公園, 我都係第一次去觀鳥園,

入面D鳥原來完全唔驚人, 任影唔嬲

不過我就好怕D佢地啦, 因為個鳥籠真係完全OPEN,

中頭獎機會非常高, 加上對上一次的陰影, 真係怕怕

水母館入面真係好靚, 不過入面勁暗, 想影張靚相真係好難

D熊貓真係得意到暈, 同ANSON比都係咁話

而且仲好鬼識攤, 識浸係水池洗白白

隻海獅其實一D都唔得意, 黑色一舊野咁, 不過拎張相又影得佢好攪笑喎

0809爬爬爬 BB Party

之前08年09月生BB的媽咪係facebook攪左個

6個月既BB Party,咁我當然join左啦~

等左好久今日終於到開Party既日子啦!!

當然同Anson扮靚靚
...出發

一去到酒店每人有一袋gift
原來係其中一位媽媽找sponsor送既!(個位媽媽真係好利害呀)

仲有媽媽準備左gift抽獎添 (個個BB都有嫁)

Anson抽到Flash Card!

一去到酒店已經見到好幾個Blog友~

上網就見得多,真人都係等一次見咋!

(其實同左好幾個Blog友影左相,但係高脂只係掛住用人地個
相機影,又唔就得用自己相機影喎)

好鍾意TA B,真係好可愛,仲好熱情呢~

Frances Kwok既BB~(佢好叻嫁!係人都跟又唔扭計)

同ANSON一樣都係9月5日既朗天BB

Lee個媽咪同我同一日係醫院生BB識嫁~

少有的全家幅~

到Party尾聲當然唔少得50個BB既大合照啦~

今次活動明報都有人來影相,later有媽咪會通知幾時登報,

到時要買返份報紙留為紀念呢~

Anson今日都應該好累了,上車不久就訓左了

訓到返到屋企先起身呢

Anson : Mama,唔知我袋gift入面有d乜呢??食唔食得嫁??

Mama : 唔好成日掛住食好唔好??

d禮物係唔係好豐富呢~~

P.S. 今次參加lee個活動真係好開心,真係辛苦晒係今次活動
幫手個幾位媽媽呢!!

揸奶樽+扭計look

上星期日見天氣都好好,所以Papa,Mama帶左Anson落街街

行左一陣又睇下水池.點知行近個水池Anson又驚喎!

同佢去街街好八掛like周圍望+發呆

平時唔好睇Anson好似好乖咁,佢都有扭計既一面嫁!

通常都係扭食or扭抱

未夠鍾已經要扭食奶啦!(仲有20分鐘先夠鐘)

每次佢喊得好悽涼,仲大大滴眼淚就一定係扭食!

Mama怕左你啦,走左去開奶!

Anson一見到有奶食,即刻收聲,係咁食...

你睇下佢捉到個奶樽幾實

久別之田中 + anson大眼仔close up

自從生完Anson之後都好久無出過街街啦~

今日決定同高脂夜晚去左元朗"田中"食壽司

Total食左$223 (抵呀~)

我地叫左: 帶子壽司,甜蝦壽司,火燒三文魚腩壽司,
海膽反卷,北寄貝刺身

油甘魚刺身(好肥美呀!)

軟殼蟹天婦羅(麻麻地...)

Anson仔明明昨日面仔仲白雪雪嫁!

點知今日就....(昨日食左南瓜粥&鯇魚唔知係唔係敏感呢??)

面面紅左...又"R"頭,連個鼻鼻都比佢抓損左啦!!

Anson:  Papa,Mama你地去街街唔預我呀??