Anson出世後真係比咗唔小的時間比佢, 好小去街玩囉
難得朋友仔生日, 一於出去差吓電先
今次去到海洋公園心態都唔同咗囉
多咗留意D爸爸媽媽, 睇吓佢地點樣睇住個 BB
睇完之後, 我非常肯定要等ANSON識行識走先好嚟
見D爸爸推住架BB車再拎住一大袋野, 再係路邊換糞片
............anson, 你都係等吓吧啦! 反正你去到都係呆住咁望住d動物
對你嚟講同望住屋企隻玩具雞雞應該冇咩大分別
望吓d爸爸媽媽之餘再望吓其他人發覺有幾多女人著住
高跟鞋同短裙仔嚟海洋公園, 真係配服配服
今次冇咗ANSON, 影相目標當然落係動物身上啦
去咁多次海洋公園, 我都係第一次去觀鳥園,
入面D鳥原來完全唔驚人, 任影唔嬲
不過我就好怕D佢地啦, 因為個鳥籠真係完全OPEN,
中頭獎機會非常高, 加上對上一次的陰影, 真係怕怕
水母館入面真係好靚, 不過入面勁暗, 想影張靚相真係好難
D熊貓真係得意到暈, 同ANSON比都係咁話
而且仲好鬼識攤, 識浸係水池洗白白
隻海獅其實一D都唔得意, 黑色一舊野咁, 不過拎張相又影得佢好攪笑喎