燒烤飛腸事件簿 - 結局篇

昨天~說到飛腸事件,

昨天話冇mood所以冇寫哂件事, 其實我係病病地唔想寫, 但我老婆死都要我寫喎, 咁咪寫d應酬下佢囉! 就係咁昨晚用盡最後一丁點力量寫左前篇, 寫完之後就大字形咁死左係張床到囉, 時間大約為9:45 pm

好, 等我今日寫得精彩d, 笑死我老婆先



大家去燒野食, 都會試過燒脆皮腸啦, 大家一定都會試過爆腸,

我老婆過日都係好正常咁燒腸仔, 都係等條腸"爆",

點知忽然間聽到  "蕉" 一聲 ( exactly係放煙花過d "蕉" 一聲喎), 層皮以極速向前飛出, 基本上快到用肉眼係望唔清, 我只係望到條光禿禿的腸仔先知飛出黎個d不明物體係層腸仔皮, 跟住我就起身搵下層皮的屍骸, 層皮真係好勁, 佢飛越整個燒烤爐, 係離燒烤爐1m 處垂下, 但係屍骸竟然完整無缺


跟住我就即刻改燒腸仔, 希望再 "蕉" 多次, 可惜之後條腸連爆都冇爆過, 失望


唔緊要, 下次再試! 不過之後見到人燒腸仔都有d驚, 真係驚佢直飛過來, 由其是坐我對面個人燒過時, 感覺上真係好似有支槍對住我咁, 好驚!!



p.s. 屍骸為百佳牌脆皮腸 -  味道ok, 價錢夠平, 脆皮度: 5星

                                                                                                                       by高脂物體