Europe - 係威尼斯跟咗個黑幫大佬

今次的目的地係威尼斯, 咁點解會跟咗個黑幫大佬呢?
因為威尼斯係一個不可由陸路進入的地方, 要入去就
一定要坐船, 而所有進入威尼斯的船都係由黑幫操控的,
所以都局住要跟住佢, 一落車啊領隊已經被個大佬足住,
講咗兩句就全團人要一齊跟住佢行啦! 不過個大佬都幾有形,
晨早已經擔住支大雪茄, 落到船之後又係另一番影像,
跟之前參觀的意大利地方非常不同, 好似去咗另一個國家咁,
d橫街窄巷變哂一條條的水道, d屋又排得密碼碼的, 去到個
廣場就圍都係白鴿, 而個教堂都好有氣勢!



因為威尼斯都有LV買的關係, 有D團友已經急不及待沖
去SHOPPING, 仲買咗個價值二萬的LV, 真利害
而我地更係冇買啦! 有團友買咗包玉米餵白鴿餵唔哂,
比咗半包我地餵, 我地當然唔客氣啦, 不知玩得幾開心
 


之後我地走去坐貢多拉(一隻黑色的小船), 穿插威尼斯的水
道, 不過一架船要坐6個友, 小咗D浪漫氣氛
 

一路坐船, D船家仲會唱吓歌, 我地有一位熱情的
團友又跟住佢一齊唱喎, 好似唱山歌咁, 好得意!
 


坐完船之後買咗D手信就要離開威尼斯啦! 不過有
D唔同的係, 威尼斯有D店舖竟然收人民幣, 怪得之
人仔咁值錢啦! 美金都冇人收, 人仔真係幾威!
食個LUNCH之後又要再上路啦!
跟住我地去到一個地方叫維羅納, 有咩睇呢?
得個茱麗葉銅像睇吓! 就係下面那個啦!


大家一定會問點解我咁咸濕摸住啊茱麗葉個胸呢?
冇計, 又係指定動作! 個個都係咁摸, 我未照摸囉!
點解要摸, 唔知啊! 摸咗先算啦!
我估以前啊茱麗葉個胸應該大d, 日日係咁俾人摸
由c cup 得番以家 b cup, 要摸好快d摸啦!
遲d可能會變咗飛機場! 冇架啦