Europe - Milan 大戰 Man Utd

晨早食個早餐三寶後  ( 掟死狗麵包, ham, cheese )
又要再上征途
今日終於到咗意大利的最後一日, 而目的地係MILAN,
今日的天色認真一般, 仲落起大雨來, 不過都未算最大獲,
最大獲的係司機迷路了! (順便係到講講個司機大哥, 他來自德
國, 不懂英文, 跟領隊遘通得很差, 而且跟我一樣第一次來意大利)
加上領隊亦都未能帶路, 係左問右問之下, 用多咗差唔多一個鐘先到
達我地想去的地方!
去到milan有咩睇? 有個大教堂囉! 好睇嗎?  ~~好睇!
但係冇咩團友去睇! 點解?   因為有...........

LV LV LV LV LV  幾GRAND

 一解散有的跟住領隊去名店街,有些就沖去LV,
可憐的教堂完全冇人理同冇人提啊!

而我地就成為行囉! 仲比我地搵到H &M, 價錢同香港差唔多,
D款都係差唔多, 不過未算多人
!咁點解個標題又寫住MAN UTD呢?

因為當日正是MILAN大戰MAN UTD的大日子,
D球迷已經係廣場唱歌吶喊大叫, 因為成個廣場是有頂半密封的
回音勁大, 所以他們的呼叫聲就好似係電視睇到的情況咁, 勁啊!
 

當日有個團友仲穿了MILAN的波衫, 同佢行行吓
見到一班穿住MAN UTD波衫的球迷係到吶喊, 跟住個團友又學佢
地吶喊喎! 幾驚啊! 我即時彈開兩步, 嘩! 心諗人地MAN UTD架, 唔好
亂嚟好喎!
今餐係自費, 係人生路不熟, 語言又唔通的情況下,
我地選咗PIZZA快餐店, 不過都唔係好溝通到, 我去到
用手指指住同佢講 SET ONE PLS, 跟住佢同我講一大論
唔知咩話, 死啦! 咩問題啊? 我唯有大聲講多次, SET ONE!
完來大聲係有用架! 有得食啦

個PIZZA冇料, 不過都

幾好食, 算係咁多日嚟最好個餐啦!

這個是MILAN買的手信
 

MILAN除咗LV GRAND之外, MCDONALD都好GRAND架

之後就坐咗差唔多四個鐘去瑞士, D地方靚到嚇死人, 不過留番下之先再講囉!