Europe - 凱廸之家瑞士 ( II )

今日係上雪山之前, 都係市內觀光一下先,
有D團友餵天鵝餵上癮, 晨早食個早餐後又去過啦!
早餐由早餐三寶變為兩寶, 冇咗CHEESE不過加番
炒蛋, 都好啊!
食個早餐後, 我地先去獅子記念碑! 隻獅子好有來頭
同歷史背景, 不過我只係記得同法國大革命有關, 咁點解
法國大革命又同瑞士有關?  唔知! 想知的自己去搵歷史書啦!
本來以為望吓隻爛鬼獅子就算, 點知去到睇到隻獅子又真係
雕得好鬼靚, 佢的慘樣, 真係慘到無論

跟住我地去咗勞力專門店, 店入面除咗表之外, 仲有好多名表
不過我同老婆對表完全冇興趣, 我地兩個已用電話代替手表啦!
不過入面D精品都幾靚, 所以都買咗D!


跟住出咗去四圍行, 雖然都好早吓, 不過D店舖已經開咗門啦!
仲有好多精品店添! 去到精品店入面都幾多飄零燕的精品, 不過
都好貴吓! 所以都冇買到, 最後我地去咗SUPERMARKET買朱古力
做手信, D野平得多啊! 最後係MCDONALD都見到凱廸, 所以話呢?
凱廸之家瑞士真係講得冇錯!


終於出發去今日的重頭戲 - 上雪山啦!
坐車途中離遠望個雪山已經覺得好鬼靚, 去到山腳我地要踏吊車上山頂,
不過要坐3程, 第1程D吊車好似海洋公園過D咁, 第2程就坐一架大吊車,
不過冇位坐的, 再轉乘第3程, 都係一架大吊車, 不過架吊車會自轉360度,
俾妳望吓唔同的景觀!


 上到山頂發覺有D似香港的凌霄閣! 同樣地有D野買,
有D野食咁啦! 上到去更係唔SHOPPING住啦! 一於出雪山行吓, 出到去發
覺雖然氣溫係0下幾度, 不過都唔係太凍, 係玩雪時凍到手都僵埋!


除咗雪山之外, 仲有個冰洞玩吓, 不過就好似玩咁鬼屋咁,
入到去冇人喎! 加上環境非常黑, 黑到我要開住個電話閃光燈行!
 又播埋D恐怖音樂喎!嚇到我老婆即時沖番出嚟!


係雪山上面我地食埋個LUNCH先走, 環境就一留啦, 不過野食就九流,
竟然又係食中餐, 仲要好鬼難食個種!

 食飽飽後, 我地終於要離開瑞士啦