Europe ~ 插吧! 梵帝崗

 步出羅馬機場, 又係咁殘, 十足十台南那個機場,
好! 之後跟住領隊搵旅遊巴, 源途見到d旅遊巴幾鬼靚啊,
是旦選架都靚個香港個d, 滿心歡喜祺代上邊架靚靚巴士呢?
行行吓遠處見到架超殘巴士, 心諗歐洲仲有d咁鬼殘 既巴士架?
不過啊領隊竟然朝住架巴士行過去 ~~  oh no! 唔好啊! 唔係既
心諗應該唔係這架呱? 後面個架都幾靚仔啊! 最後領隊就係停係架
殘巴士前面講, 大家放低行李可以上車啦! 即時心碎 上到車情況都
好唔到幾多, d香口膠放滿個煙灰缸, so dirty 坐咗陣, 心情好番d,
準備開車出發啦! 一開車~ ~ 死火! 我開始滴汗 唔係擔心嚟咁8日
點過! 係架車冇鬼冷氣架!!!!! 得d風係到吹吹吓! 心諗死得, 玩完啦!
我個歐州之旅玩完啦! 好在之後啊領隊話效心啦團友, 這架巴士只會培
大家一日, 明天會轉用另一架巴士, 好! 就忍你一日!
去到第一個景點: 古羅馬廢墟及鬥獸場
一扺步, 眼前就係細細個成日見到的鬥獸場, 除咗熟識的鬥獸場之外,
就係旺角經常都會見到的場面~ ~

人山與人海

救命啊! 點解咁多人架? 歐州唔係好relax既咩? 點解變咗旺角架?
之後都放下心情, 慢慢遊覽!
 

食個中餐之後(好唔好食心照啦!唔講啦!), 又去到另一個影點啦!
就係梵蒂岡, 落車之後又係人山人海, 情況俾之前更為嚴重!
排隊入教堂條龍長到呢! 心諗冇兩三個鐘都唔駛入到去!
點知啊領隊帶我地穿過人龍, 差唔多去到隊頭, 跟住佢講咗句,
等我睇吓先, 此時個個團友都覺得啊領隊好有料, 以為識得啊邊個
邊個唔駛排隊, 特然間領隊大叫:
分散投資, 兩個兩個插入去!
吓! 打尖? 唔係啊! 好掉假過喎! 我同老婆心慌意亂, 都唔知點算好?
一路向後行一路望吓條隊, 由梵蒂岡排到去意大利都未見到條龍尾喎,
 即時放下尊嚴,插就插啦!跟住d團友講, 既然決定插就更係插前d啦!
係喎, 咁死蠢, 插咁後啊

跟住我地一路向番前行, 見到個團友已經插咗, 即時行個佢同佢扮friend!
就係咁我成功叿咗啦! 行前小小就到入口啦! 點知原來除咗我地之外, 個個
都係咁插, 鬼佬又插, 中國人又插, 你又插,佢又插, 真係唔插就笨啦!
神請您寬恕我, 我只係跟大隊插啫
入到去, 真係靚到爆啊! 每一個地方都有華麗的裝飾, 唔講咁多,
大家睇相啦!


(原住d柱就係條隊啦, sorry條隊太長影唔哂, 後面嚟個double啊! 自己想像吓啦)
 





離開梵蒂岡再去另一個影點: 許願池
例排啦, 超多人! 開始無咩mood睇啦! 迫到啊媽都唔應得!
排隊先可以影張用人肉做報影版的相, 加上飛機訓唔到, 累到死
真係想快d反酒店訓!

 

當晚的晚餐係你同我都煮到的番茄paste, 味道跟妳跟我煮的一鬼樣!
再嚟一塊雞! 你同我點煮, 用咩方法煮都唔會有佢煮得咁難食
出菜時間又鬼耐喎! 等到d團友都唔鬼食, 走咗! 最後仲有一個甜品,
因為等得太耐又鬼累喎, 食之無味
入到酒店房又要鬧, 張床軟到死都算啦, 張梳化邊竟然有紙巾係到喎!
不過都唔理啦! 訓覺事大啊zzz
就係咁第一日完咗!