Europe - 今日去做藝術家

一早起程去法國啦! 不過個司機話要入油, 帶咗我地入德國
不過因為仲係效區, 所以冇咩野好睇!
經過好鬼耐的車程之後, 終於到咗法國的巴黎,
我地首先去咗一個唔記得咩名的廣場, 離遠望吓個巴黎鐵塔,
不過真係超遠, 差d要用望遠鏡先望到, 都唔知帶我嚟做咩?
不過我地係到影咗張團體相, 唔小心d睇以為得個藍天!


跟住去睇吓個凱旋門, 不過又係冇得近睇, 今次好小小 隔條馬路啫!
不過都好難影到張靚相
 
再嚟一個聖母院, 都靚既! 但係可能睇教堂睇得太多啦!
睇到冇咩感覺!


終於到今日的重頭戲 - 羅浮宮!


入面真係好大, 我估我地十分之一都行唔到, 係入面我地有一個
講廣東話的guild帶我地行, 一路行一路講解! 不過我同老婆都
比較心急, 自己行開咗搵野睇囉!

睇咗一大輪, 我肯定 ~~ 我冇藝術氣質,
因為入面冇一副畫同雕塑我係覺得好靚包括最
出名的蒙羅麗沙, 可能平時望得太多, 去到望到真品都唔覺有咩特別,
反而一副拿破崙嘉勉圖就比佢吸引到,
連我老婆都係, 這幅畫真係畫得好緻細,
俾到妳應有的感覺, 例如地毯妳會feel到好舒服,
又例如d衫真係好柔軟咁, 每個人d表情都好豐富, 有d開心, 有d嬲,
就好似用相機拍咗張大海報咁, 完全feel到當時的情影,
 可以俾妳慢慢幻想吓當時的景象, 我地最小都望咗佢成十分鐘,
算係俾面佢啦!

行完之後上番地面影相, 可惜開始落雨, 不過都
影到兩張咁多多啦!


就係這一刻先發覺唔見咗把雨傘, 比老婆駡到狗血淋頭, 好慘!
 行咗大約兩個鐘之後, 又係時間食dinner啦!
今餐再唔係食埋哂d狗糞垃圾, 終於有餐似樣d既野食, 食咩? 法國大餐
咁法國大餐有咩食? 先嚟一個洋蔥湯 ~ 好咸!

 
再嚟一個田螺, 都冇咩特別!


最後嚟一個橙鴨, 聽個名就好把閉, 食落去就.......香港燒鴨好食
得多  不過同第一晚的燒雞相比, 這個已經可稱之為美食啦


最後仲有一個甜品, nothing special!


不過間餐廳就好有氣氛, 香港再靚的酒店都好難有這種浪漫氣氛,
可惜的係一團廿五人都係哂到, 妳一句我一句又變番一間大酒樓囉!
另外仲有人即場玩手風琴, 都幾好聽架!

之後仲有夜遊巴黎, 不過留番下之先講囉嗦!