Europe - 凱廸之家瑞士 ( I )

 離開意大利, 坐咗幾個鐘去到瑞士海關,
係冇做任何手續加望都唔駛望的情況下就過咗境啦!
真係覺得有d兒戲! 過咗境冇幾耐, 又開始落雨啦!
穿過一條又一條的隧道, 由落雨變咗落雪
其實都唔算係雪, 導遊話係freeze rain喎!
不過我見到成地都係雪, 當係落雪囉!
不過再穿過一條隧道之後, 又陽光普照啦喎! 幾奇怪啊!
原途的景色真係靚到嘩嘩聲, 個個都唔訓睇吓風景囉!


差唔多4個鐘的車程後終於到酒店啦! 不過時間已
經係6點幾, 又食晚飯啦! 瑞士的酒店真係唔同d,
d野都好食d, 個意粉已經唔係妳同我都煮到過個level啦
再嚟個朱古力火鍋, 我就一般啦! 我老婆就食埋我個份!
好唔好食就真係要睇吓人!
食完之後仲有下聞, 因為我地間酒店係個湖隔離, 而個湖有
好多天鵝游架! 導遊話d天鵝可以餵架, 我地當然第一時間
沖去餵啦!
 
不知幾好玩, 餵完之後我地行吓附近的商店, 不過
大部份已經關門了, 歐洲大部份的店7時左右就會關門啦!
但係一間店特別多人, 完來係一間bar, 仲播咁足球添,
再望清楚d完來係milan 大戰 man utd , 已經開波啦!
即時沖番酒店睇波! 估唔到今次歐州之旅有d額外驚喜!
平時係香港我一定唔會3點鐘起身睇波, 係歐州9點
開波 perfect 之前一晚仲睇到愛隊liverpool贏波,
幾開心啊!