今個星期好鬼多小事件發生, 等我一次過講哂比大家聽啦!
首先係老婆要我講的買雨傘事件
將啊老婆大人 唔知心唔心愛的雨傘唔見咗! 咁q今日又落大雨喎!
老婆放工就走咗去買雨傘啦! 佢買咗一把非常有弧度的雨傘, 佢自
已就好鐘意啦! 而我覺得把雨傘好鬼食風, 大風時應該會把我老婆
連人帶雨傘吹走咗
bye bye~~(補充 : 把雨傘在citistore買由$129減到$39,好低呀)
唔記得咗星期幾, 同啊妹妹仔去食lunch喎! 佢既然食咗隻蚊啊!
跟住咪叫人換個碟囉! 仕應問佢: 小姐要唔要換個碟啊?
定係換個第二款啊? 跟住佢話要諗吓先喎!
其實佢當時已經食到尾聲, 咩菌都俾佢食清哂
係仕應取走佢碟野之後, 佢先話我最想食的八爪魚
仲未食啊! 跟住我咪話不如叫佢送碟八爪魚嚟啦! 一問之下,
ok喎! 真係送咗碟俾我地喎! 咁都唔只啊, 埋單之後佢個lunch
竟然free咗唔駛錢啊
不過jetso唔係咁易有架, 佢要付出
肚痾的代價
最後一件事, 就係今日有電視台嚟我公司拍野, 邊間電視台?
江陰電視台是也! 拍咩? 唔知! 只係知道佢周圍拍, 仲搵部機
對住我大特寫, 其實我唔知係唔係拍我, 又唔敢望過去喎!
萬一正面上鏡未大件事! 打死都唔望啊
跟住仲攪笑, 叫我幫佢地加老闆影大合照喎! 手都振埋
不過個女主持都幾靚女
算啦!事前一日仲出咗個e-mail通知大家要穿得端莊d, 跟住d
小姐門就係度議論分分, 死啦! 著咩好啊! 係到講足幾分鐘,
結果呢? 最多野講個兩個食物中毒冇反! 其他呢?
冇咩特別! 我呢? 超舊, 睬佢都傻
by 高脂物類
沒有留言:
張貼留言