老婆........唔見咗啊

話說老婆公司有新任務俾佢喎! 之前個blog都有講架啦!
佢估自己要成8, 9點先可以收工, 咁咪留飯俾佢食囉!
點知等到9點半都唔見人, 開始打個電話俾佢問吓佢的情況,
但係又冇人聽喎! 唯有繼續等啦, 但係等到成11點仲都冇音訊,
死啦! 打多次電話俾佢啦, 仲係冇人聽, 開始有d譫心, 好在老婆
都打番個電話俾我, 但係都係未走得喎, 跟住我都累到訓咗, 到12點幾
彈咗起身, 老婆仍未有音訊話收得工喎, 到最後差不多一點鐘先見到去反嚟!
真係慘, 做個普通文員仔又冇ot又低人工都要做到點幾, 有冇攪錯!

(小老婆補充:話說我係去人地個倉到了解下佢地的運作,仲要我學下點做倉的野
(因個客比$包月,要我地公司的倉同事駐守係佢地個倉)
而個到有個妹妹仔只係做左半個月,我就跟佢學左2日佢日學做的野!
好啦!點知個妹妹仔昨日話唔舒服(都唔知係唔係玩野)
因放假前一定勁忙!之後個個都唔識做佢D野,就叫我過去幫手!

人地入倉提貨要幫人check位置同消數,有order提貨又要寫定入倉紙同print label
最慘係D司機遲遲未返,要等佢地返晒來,攪好晒D野先走得!
(都唔明點解一個普通文員,要做倉的野,仲要係無ot,倉都有ot啦)
等到成9點先有一個司機返,之後D司機逐個逐個返到!
唉!因個新客只係做左幾日,所以D野勁亂!D野返晒來都未開始mark,
寫字樓(個客)個邊又落來翠攞資料.....總之超亂!

做到成12點多D先走得!好在有個同事車我回家,
公司就話會請多個人做倉個個位!不過到時個人走左,又咪係叫我去幫手!
我老公昨晚見到我(勁嬲)話如果成日都係咁,叫我唔好做添!