隻眼之前睇左醫生,O個幾日都比以前早訓,
隻眼都仲有D乾澀(昨日晚左訓,今早起身隻右眼皮腫左)
都唔知隻眼幾時先好.....
話說我之前咪普通話合格要攞証書(最遲要26/5取),
點知取証書時間係星期一至六office hour
咁我老公係星期六長短週(短週係唔洗返工的)
咪諗住叫佢上星期六(21/4)幫我取啦!
佢又話想訓久一點遲D先攞.
好啦!今日旅社開茶會(5:00pm),諗住叫佢幫我去攞証書,
佢又話唔得!又話等遲D先!
短週的星期六佢又話要訓久D,到去完旅行之後的星期六,
佢會同我去攞??
我死都唔信囉!!
之後我勁嬲,不如佢早D同我講攞定唔攞.
如果佢唔攞,我自己請假好攞好過!
唔好成日都話遲D遲D!
之後我勁嬲同佢吵罵左一陣,之後我就話唔洗佢攞,
星期六上機前我自己攞!佢見我咁嬲又話今日幫我攞!
咁我已經好嬲而且我咁嬲你先同我攞,
我覺得無意思啦!所以我堅持星期六自己去攞!
我同佢都互不理睬,咁我好嬲咁出左門口!
無無聊聊下記錄高脂家的生活點滴~ My email: yuenangela@yahoo.com
小老婆: 妳最近好嗎??睇到妳篇綱誌.希望妳唔好介意我既說話. 其實,誰去攞都好,都唔好攪到件事咁嚴重先,坐低慢慢傾番.問清楚高脂因咩原因放親假都話訓d?或者高脂做野真係好辛苦呢?!但我都知妳番工再加上眼睛唔舒服,都係好辛苦!但我個人認為,不如問吓高脂幾時邊日佢先有時間幚妳去攞? 而且妳都唔好唔開心喇~小老婆~星期六都上機去玩,無謂攪到成個行程都唔開心啦!係咪?!
回覆刪除第一我冇唔理妳, 係妳自己發焷氣唔理我啫, 第二今日我唔得閑係因為要簽自己間公司的銀行文件 deadline係今個星期, 而妳個deadline係5月廿幾號, 我應該點呢? 第三我由始至終都原意同妳去取, 係妳自己覺得 我唔想去取啫! 不過唔想咁早去取的係真的, 我承認! 不過點都好, 唔好嬲啦! 同妳say sorry 啦 by 高脂物體
回覆刪除love_in:好久沒有見你寫blog,你找不找到隻狗狗呀? 高脂物體 :我嬲你係你成日做野都唔上心, 而且你5月得19號係短週,我地7/5落機, 12/5你又長週要返工,試問19/5你會起到床去攞嗎??
回覆刪除5月8號都放假喎, 個日去取咪得囉! 就算訓幾耐都可以去取啦! 就咁話啦! by 高脂物體
回覆刪除嬲一陣好啦,佢都話幫你攞就原諒他啦!! 我成日都嬲我老公唔幫手湊B,唔幫手做家務,不過佢都係咁,所以得個嬲字!!
回覆刪除小老婆 & 高脂: 妳地好嗎??小老婆,我最近寫番喇~不過,一寫又係d唔開心,又係d發火野!(比起妳這件事更加火滾,昨夜重因為那對狗男女同老公嘈左陣,拖埋隻豆豆離開左屋企!)我隻心肝柴柴到現在都無任何消息! 小老婆,高脂都在blog內公開向妳say sorry,妳就原諒他吧~雖然高脂做事可能有時候唔上心,但最緊要佢心內有妳,對妳最上心就可以了! 至於阿高脂你,不如坦白說,同答應小老婆,幾時去替小老婆攞證書!今次真係要發誓你講個日一定攞到番利比小老婆,如果唔係一百個人替你講說話都無用呀!因為,這些是成信問題!(我諗高脂你都唔會想比人話你做人做事無口齒吧!) 小老婆,我見到妳blog既板面,全是一個幸福開心既景象!當妳嬲時睇番吓,妳們結婚的照片,懷念一吓結婚那天的開心時光,高脂為妳做既所有,我想妳會無咁嬲住!(要知道,結婚相不是人人都會有!我就是其中一個無既人!) p.s希望妳同高脂去玩回來後,會帶給大家一個好消息! 希望妳同高脂開開心心的love_yin上
回覆刪除唔好咁啦, 床頭打交床尾和, 兩公婆冇隔夜仇, 開心d啦
回覆刪除算喇, 佢都已經say sorry了, 不要嬲喇, 開心d準備去sweet 既honey moon喇~ 鳳凰
回覆刪除都唔係好大件事啫~~嬲得多死好多細胞,又偒身,何必呢~~仲好易老tim ga喎~~所以都係開心快樂過每天~~佢係咁既性格都無計~~
回覆刪除