入到廁所發覺我個杯唔係放我支牙刷而係有2支不知明牙刷係到,
而我見有一支好似係我的牙刷係另一個杯到.
(我已經心想支牙刷有無人用過嫁,無人用過我都唔夠擔再用啦!)
我唔理啦嗽口先啦!當我倒D水落隻杯到時,
就見到隻杯有好多黑黑灰灰的物體係隻杯到浮下浮下...
(朝早用時無的)我返入房後就同Anthony講: 我唔見左隻牙刷.
之後Anthony話: 又佢先啦!明日先算,現在個個都訓晒覺,唔通要我現在拍門問邊個用左你支牙刷咩??其實如果之前有睇開個Blog都知我之前對佢家人都有D不滿!
現在積落積落,又覺得無人幫又無人理,我就忍唔住哭起來!
而且Anthony仲叫我唔好成日發埋D小姐脾氣,叫我忍下...
如果我接受到的我都會忍囉!但係事事都叫我忍左佢算數我真係做唔到囉!
(如果有人遇到Lee D情況都忍到的,唔該留言呀!)
到今朝Anthony去完廁所同我講 : 你支牙刷乜野色嫁?我話 : 好似係紫色.Anthony話 : 我見有支粉紅色的牙刷在地下但就好污穢的,
我懷疑我阿媽唔見左支牙刷,見到有牙刷就用左.我當堂無左反應!!(我想佢阿媽老花睇唔到吧??)
為有今日去買過支牙刷. 話比你地知呀!我放工回家後見到有一支"飛nut毛"牙刷又係我個嗽口杯到出現...
(點解?!)P.S. 今日公司有個新同事(老闆娘個妹)返工,但最好笑係我地公司已經有成5個同事打單.而個新同事返到來係無野做!現在老闆娘個阿姐同阿妹都係到做....唉!好快我地都唔洗做啦!!
anthony, 你唔可以話angela成日發小姐脾氣ga! 你係佢老公, 佢有唔開心, 當然要同你分享,傾訴啦! 唔通佢直接搵老爺奶奶講咩, 係咪? 而且你要站於佢既立場去諗囉! 你由細到人都同爸爸媽媽住,大家已經習慣左大家既生活習慣, 但angela真係需要時間慢慢適應囉! 如果調轉你搬去angela屋企住, 日日對住佢d屋企人, 咁你又會點呢?! 當然, 可能你覺得angela成日因為d小事而發嘮叨, 但太小多事積積埋埋, 就會勁唔開心ga喇! 希望你會體諒吓佢啦! 我希望你地日日都咁恩恩愛愛呀
回覆刪除你奶奶都好攪野喎!! 不過唔好唔開心啦! 一齊住就實有d小問題 ga 啦! Anthony 呀! 你都唔應該話你老婆 ga , 你同你d屋企人一齊住咗咁多年咩都習慣曬啦!! 如果叫去你老婆屋企住吓,我諗你都會好唔習慣囉!!
回覆刪除正所謂相見好同住難!!!! 希望你地早日有自己天地啦!!!!
回覆刪除黎少今次我都唔幫你啦 ，個人衛生的問題我都接受唔到，特別係女仔添！不過希望你哋都會原諒對方，及快啲有你們的Dream House！ Angela你公司打單係等單，我哋就忙到死，晚晚做到十點幾！唉！
回覆刪除anthony: 其實,講真句(牙刷都算係個人私人物品吧~)有時有些事情將心比已囉~如果倒番轉anthony你住係angela屋企,又係發生d咁既事情!而angela又係咁回答你,你又有咩感受呢?? 雖然事發時,已好夜,係唔應該半夜就逐個敲門問,誰用左angela支牙刷?但其實會唔會同angela這樣講:[現在已好夜喇!不如等到明天一早他們睡醒我先去詢問一吓他們,好不好?] 但又講真句,換轉係我,我都覺得anthony你話angela發小姐脾氣係真係唔啱囉!(因為如果以這件事同我個人d小姐脾氣相比,真係小毛見大毛囉~)你可能會覺得angela因為支牙刷小題大做,但我個人認為這些不緊是個人衛生的問題,而係當問題一日唔向anthony你既家人提出,以後落利大家共住一屋相處就更多問題發生! 正所謂相見好同住難,不如angela同anthony你地計劃一吓儲錢買樓或儲一筆錢先搬出來住,會唔會好點呢? 靚靚小老婆: 其實,你們同住一屋難免會有一點事情係未適應既~而且老一輩的想法同處理事情做法,難免會與我們這輩有所不同(單是在我自己的女兒,現在要學企定身閒路,我奶奶同我所持既做法亦大大不同.),但概然你們已同住一室,我諗有些事情真的要多些與長輩溝通才行! 但我仍然真心祝福你們,恩恩愛愛,開開心心!
回覆刪除我仲未嫁得出, 真係唔知遇到咁既情況會點, 不過我都有同男友先旨聲明, 結左婚, 我都唔要同佢既屋企人住架, 因為相見好同住難係必然既定律, 我自己又屬忍唔住頸既人, 費事到時男友左右做人難啦, 哈哈, 我都係為佢設想架!
回覆刪除我地都結婚後都好努力儲$買樓,而且我老公都講到明如果我有BB一定會搬出去住! 所以去完honeymoon後我會努力做人仔! (希望快D有BB啦~~)
回覆刪除祝你地早日做人 成功 !
回覆刪除呢d未叫閉門一家親, 老細既角度...外人此終都係信唔過架麻.
回覆刪除舊時同奶奶老爺住,都有層出不窮的激氣事件!男的總叫你忍!不過看返轉頭,老公都幾慘,手背有係肉手掌有係肉!快d搬出去啦!遲d有咗baby重煩呀!我都係過來人!
回覆刪除