嘩嘩嘩....添馬鑑嘉年華

高脂物體小老婆講野
高脂物體講野

今日好累呀~我昨日同老公D同事放工後去左"添馬鑑嘉年華"到玩!
(高脂物體: 我都好累, 不過又好多野做, 之前新年放假儲起的能量已經耗盡,
仲有排先有假放架, 點算?)
去到金鍾時我去左"GREAT"買左個$52的三文治比老公食.
老公話咁大個仔都未食過咁貴的三交治,但佢又話好食喎.
(個三文治其實又唔係真係勁好食個種, 不過俾得$52買,
就算唔好食都要話好食啦!  呵!)
去到時我地玩左3次"碰碰車"
(個碰碰車個場又細, 又勁多車,玩玩吓真係撞到停咗係到, 點解?.........塞車囉!
1次"好長的彩虹滑梯" (就好似以前水上樂園個五彩天梯咁, 唔同的係這個冇水囉,
冇咁快囉, 最重要的係唔會整穿條褲

)

有2個水的激流(每個玩左3次)
(唔知點解老婆同tracy特別enjoy這個遊戲, 我同tracy男朋友就好無奈啦!
唔通女仔特別愛濕身??)

1次"毛毛蟲過山車",另(我無玩嫁)一個吊腳的過山車,其實仲有d遊戲都未玩但已經
到左關門時間了(11:00PM)
昨日都唔係好多人,好多遊戲玩完已經唔駛排隊又可以再玩
而勁搞笑係同我老公玩"毛毛蟲過山車"(應該比小朋友玩的,所以都唔係激個d)
咁我老公見條毛毛蟲行得好慢就話 : "毛毛蟲加油呀" 比佢笑死...

(開始時都攪野架啦, 見到工作人員拉咗制準備開車, 跟住另一個工作人員行埋嚟,
做咩呢? 佢走埋嚟推車喎, 真係聞所未聞!  跟住例排上吓斜,
跟住沖啊.....依....咁慢既, 係咁架啦?
跟住去到落大斜路.....依.......快咗d喎.......依........終點囉,
第二個圈開始, 知佢咁慢謂有幫佢打吓氣啦! 我大叫:毛毛蟲加油啊! 跟住完來
仲有第三圈, 去到終點......依....飛站, 仲嚟, 好啦喎, 仲嚟

 好悶喎!

好放我落車啦喎! 係唔係要交足戲, 工作人員先俾我落車架?
好, 我叫! 好...驚啊! 四圈之後, 完啦! 最難過的過山車旅程完啦! )
至於玩激流,我想好多人都好有疑問,玩咁多次唔濕嗎??

答案係: 好濕,仲要成身濕晒(連UNDER都濕埋,仲要滴緊水個隻)
濕晒好慘,但又玩得好開心喎!!

(因為女人愛濕身

)

本來好想玩多d公仔, 無奈地這類遊戲係我的超弱項, 不過都玩到兩隻,
一隻係超樣衰獅子, 另一隻我只可以稱之為" 物體" 都唔知咩嚟架
同樣地樣衰