日期: 6-3-2011
時間: 13:00-16:00
星期日約埋ZERO一齊去摘士多啤梨~
ANSON知道左之後仲日日同PAPA,MAMA講佢要去摘士多啤梨
仲同ZERO傾電話約係西鐵站等添!
ANSON舅父見我地去摘士多啤梨又話要一齊去呢.
當日12:00PM食完LUNCH就出發啦~
去到錦上路轉的士,好快就去到!
去到去左睇下動物先!
有山羊,兔仔,鼠類動物,仲有得買乾糧餵佢地添~
沿途仲有好多跳彈床,木馬,電動車玩(當場要比$)
好在ANSON同ZERO都無扭住要玩姐!
睇左一陣動物就去摘士多啤梨囉!
士多啤梨園入面分別有2種士多啤梨
法國種: $60/磅 日本種: $90/磅
去到見到個田好大
法國種有好多士多啤梨都係青BB,
紅既就比較細粒!
而日本種既士多啤梨就多D(有可能貴D少人摘吧)
紅D同大粒好多!
ANSON好努力咁一齊去找士多啤梨
大家都好比心機找靚靚士多啤梨
仲第一次用教剪剪士多啤梨添!
(不過次次ANSON唔係剪人個頂
而係想剪士多啤梨肉,次次都要提佢先記得)
我地2隻都摘左少少 (這盒是日本的,法國唔記得影添)
摘左大約30MINS (個個已經好熱,ZERO同ANSON面仔仲成個紅蘋果咁)
之後就攞D士多啤梨去磅囉!
2隻TOTAL摘左$70~
我地找左個位坐低,之後洗下D士多啤梨食!
之前見個個人去摘都話好甜好好食.
點知食落都有D酸酸地,有D失望添...
不過ANSON都食得好ENJOIN
D士多啤梨係咪有季節分架?我都有諗過帶埋阿囡去呀,ANSON好叻,無穿片片都可以無賴屎,叻仔
回覆刪除[版主回覆03/07/2011 23:31:00]12-3月先有得摘士多啤梨,不過d人話2月靚d!
但太凍了,所以拖到依家先去!
anson已經成功戒左片啦!依家去街已經唔洗穿片片了~
我2月27號去都俾人摘晒..咩都冇, 所以兩手空空而回.
回覆刪除[版主回覆03/08/2011 16:10:00]我地都係摘少少玩下咋!
我地去大美督摘, $40一磅咋~~
回覆刪除[版主回覆03/08/2011 16:10:00]大美督好遠呀!