高脂papa 煮飯仔

逢papa短周的星期六早上 都係得papa 同anson 兩仔爺過

個lunch 自然都係由papa 攪點啦, 最初都係買外賣或者係煮麵加餃子腸仔就算

食食吓papa自己都覺得有d悶, 所以最近煮咗兩餐好小小的lunch 俾anson食

瑞典特色肉丸配雞皇三色貝殼粉

材料有: 宜家肉丸
              三色貝殼粉
              金寶忌廉雞湯

個朝準備煮麵食之際, 見到餃子腸仔自己都唔想食

所以搵吓屋企有咩剩餘物資, 之後將佢炒埋一碟, 出嚟既效果又幾好喎

賣相ok, 味道亦都好配合

連anson 全部食哂之餘, 就連平時都唔食既肉丸都食埋

原茄濃湯手絲雞公仔麵

材料: 蕃茄4個 (1個去皮原個蕃茄, 另3個滾湯用)
          百佳煮熟雞脾兩隻( 手絲雞用)
          出前一丁(湯料不用)

上次得到anson 好評之後再親自整多餐

今次因為屋企冇咩物資, 所以要同anson 落街百佳買

最後買咗4個蕃茄同兩隻熟的雞比, 價錢係$20左右

不過今餐係失敗咗, 賣相需好但味道只是一般

因為原來3個蕃茄滾一湯碗水都做唔到好濃味的蕃茄湯

最後強行攪爛個蕃茄再加小小鹽先叫好小小, 都係好啖

二來百佳既雞比原來好鬼難食, 怪得之買咁平啦, 下次自己買雪雞脾煮好過

最後anson 唔知係冇胃口(10點先食完mcdonald) 定係唔好食

只係食咗小半~

papa 會努力再研究此湯麵

papa 已經諗咗兩三款lunch , 得閒的星期六會繼續煮比anson 食

anson 要無辜地成為papa 的試食者