真係放假啦

先係新的一年講聲新年快樂先

係10年的1月1日終於有番個真真正正的假期

暫時放低anson, 兩公婆盡情玩樂一番先

一早起身9點半左右已經出街食早餐

為的是因為要山長水遠去到九龍灣megabox睇avatar

係套戲未上影之前已經聽聞係超級巨作

所以早兩個星期已經訂咗megabox 的 IMAX 3D版

戲票係$150一張, 等於睇場演唱會的山頂價, 好在東亞卡有9折

先講戲院本身唔算好大, 銀幕需大但又冇想像中咁大喎

加上銀幕好似唔係16:9 震撼力未算好強

不過3d效果就真係OK, 但又唔好期望有D野飛到妳面前個種3D

有d運用第三身的鏡頭, 真係好有身歷其境的感覺

但係睇耐咗你就唔覺太3D, 好似平時睇戲咁

而字幕算係做得效差的一環, 如果你直望的話, 未必望得到,

要向下望先睇得到, 加上D字唔係實色, 有小小透明, 更加難睇

睇咗十分鐘先慣, 另外唔知套戲要景深來營造3D效果,

即係除咗主體外的物件都好似OUTFOCUS咁,  睇相就有FEEL

睇戲好似怪怪地咁

總拮嚟講avatar, 真係好好睇, 故仔就老套d,

特技同畫面就真係勁靚勁真實, 隻avatar畫得再靚d就好

景方面唔知點解另我諗起天空之城喎

今次睇avatar好似第一次去睇戲咁, 每樣野都要習慣過

包括個3d眼鏡, 似去滑雪多d

之後我地當然去咗行街街啦

德福仲有好多熊仔影添




仲係ikea買咗set兒童碗杯俾anson, 去到ikea當然要食肉丸

返到屯門又掃咗單車俾anson, 不過貨未送到

遲d再影俾大家睇