又睇醫生

其實anson之前有咳+鼻水已經睇左2次醫生
(睇anson mama睇開個個,因另一個醫生
只係睇星期二,五早上先係到)
其實已經好得7788,咁諗住佢仲有少少鼻水等佢自己好啦!
點知上星期凍返,d鼻水+咳(仲有少少痰咁)又返來啦!

anson今日都睇左醫生
(睇同一診所只係睇星期二,五早上個個醫生)

比左d收鼻水,咳水,化痰藥,滴鼻藥.
另婆婆同醫生講anson係油耳
耳仔都幾dirty,醫生仲開左滴耳水!
(滴6日之後清潔耳仔就ok喎)
醫生仲叫婆婆之後可以用"食用橄欖油"
同anson清潔耳仔.
仲叫anson唔好食梨住(因野痰)&餅餅,
要食就轉食蛋糕先!
而且仲話咁凍唔好帶小朋友出街啦.
因會剌激到個鼻喎.
比左6日藥都係收$190 (仲比左個bb口罩anson添)
(個醫生仲會叫人戒口嫁)

點知婆婆買紙包蛋糕比anson佢唔食
死都要食麥芽糖餅.

放工返去anson依然活力十足.
anson初初都用匙羹食KFC既雞王飯
食食下就變左用手...

anson mama碗飯就係咁比anson攪到無得食!

anson婆婆成日都話lee個醫生好好,
又有耐性.不過最煩都係anson mama
到時anson搬返屯門都唔知去邊到睇
先有d咁好既醫生??

P.S.本身請左假星期三同ANSON返N1間學校參加'親子唱遊班'
點知剛剛收到學校通知有學生確診豬流感,要CANCEL晒所有活動!