奇怪的公司project

不經不覺間已經係公司做咗5年野, 由充滿鬥志的熱血青年

做到同d師奶門一齊夠鐘就走人的高脂爸爸

無心戀戰之下, 士氣的跌幅真係勁過恆指多多聲

因為一來真係要睇住anson, 二來公司的新政策真係攪笑到暈

早已經想走人, 點知俾個manager先走一步

仲話俾個位我坐添, 最後雖然真係俾我坐咗佢個位,

不過個位原來係死位, 又要做自己野, 又要管人

又要解決各種奇難雜症, 真係做到冇停手

不過後來我決定朝9晚6, 做得幾多得幾多, 話知你死啦

但係公司近排多咗個 hr manager, 佢睇嚟真係幾得閒

安排咗不同的堂俾我地上, 仲要我地好似中學生咁做project

今次的topic係" 如何提升員工士氣 "

對我這個完全冇士氣的人嚟講, 叫我做這個project簡直勁攪笑

大佬, 我知自己咩事啦! 係你唔知啫, 直接同我地傾吓好過啦

本來真係廢事彩佢, 諗住唔做個project架啦

係契妹求咗幾次之下, 為有帶住team人開個會睇吓點做啦

做project的野, 最好當然分工合作架啦

所以我就打算將條題目分為幾部份,

而因為各部份一定有深有淺, 如果我一次過講哂所有問題

個個一定爭住做淺個part, 所以我每次只講一條問題

之後就要佢地主動舉手簡選,  最後冇舉手個d人就去做presentation

本來覺得個辦法真係prefect到暈

點知問完第一條問題之後

個個就開始議論紛紛, belebala..... 連hr manager都加入戰團

一小時過後, 繼續bababa dadada...........

sorry 我都係做番個冇士氣的員工吧啦, 對住班好同事真係

唔激到嘔血都算好彩

會議未結束, 我決定提早離場, 番屋企睇anson