anson bb出世記 part 2 + 小老婆出院only

各位~~小老婆今日出院了!!(咁anson bb呢??)

anson bb因為有黃疸要照燈,仲未出得院住!!

只有小老婆出左院先...

(好在係政府生用左$450,如果係私家唔知要用幾多$呢??)

好!等我講下我入左侯產室既情況比大家知先??

我入到去就比人送左入侯產室,入到去(因我係穿羊水)

所以唔可以落地...護士就駁左D機聽BB心跳&監察子宮收縮

好啦!!頭4個鍾會睇下子宮開既情況,好唔好彩小老婆係一度都

無開過!!於是要開始吊鹽水&催生水!

不過子宮都無乜點痛,只係好似M痛咁.直到醫生加重左2次藥力

每次子宮收縮都好痛,小老婆已經痛到死死下.

又無打止痛針&吸止痛氣!

好在真係好痛既時間只係3-4小時,醫生見我一度都無開過

就決定同我開刀!!好快就驪到anson bb的哭聲了~~

我就知道我既任務完成了~~

依家谷緊奶,勁辛苦&痛.

希望過2日會好D.如果唔係真係頂唔順會考慮收奶!

但我阿B都唔識食人奶(次次都唔肯食仲要係到哭),

係醫院都係食奶粉多...