小老婆離家出走

今日同老公,奶奶去睇周杰倫演唱會.
由於奶奶唔係同我地一齊買飛的,所以我地坐既地方都唔同
演唱會完時就各自回家!!

點知...係演唱會完時我同高脂經2邊樓梯落.
行行下越來越多人!

心諗 : 死啦!!
唔見左高脂添.一陣實比佢罵死!(因以前有好幾次我行左去,高脂找不到我,話我自己走左去
已經比佢嬲同罵左好幾次)

行到去紅館出面都唔見高脂,又唔打電話比我喎!

我就預左比佢罵既決定,打電話...
第一次打去,響左3下就.....去左留言信箱
第二次打去,高脂聽左電話,當然比佢罵啦!
罵完之後佢只係講左句 : "你自己返屋企啦"
就收左線...

我聽左之後就諗,我坐唔坐車返屯門好呢?

返到去高脂又係唔理我!
我就send左個message比高脂
"你自己返屋企啦!我自己返去自己屋企"

我攞住個電話係到等,等到所以屯門巴士走晒

高脂都唔回覆,佢真係拋低我一個人

(我死心了)
決定返東涌過夜!!

去到中環既香港站,高脂應該返到屯門先打比我.
已經太遲了...佢話 :"你叻啦!罰你自己返屋企，你就返自己屋企"
我話：”你嬲還嬲都唔應該拋低我一個人，反正返到屋企
你都唔會理我，我咪返自己屋企囉"

之後高脂就話明日來接我返屯門!
各位，如果個個係你,你又會點做呢??