Europe講多d - 團友編

話說去europe之前開茶會, 幾多公公婆婆啊! 以為今次會出事啦!
點知出發過時又唔見哂d公公婆婆喎! 仲多咗好多後生仔添, 而且
有d仲係自己一個去架! 講開個婆婆, 我估佢都成70歲啦! 行動開始有
小小不便, 佢係同個仔去的, 不過答車時又唔係同啊媽一齊坐喎, 一個
坐左面第二排, 一個坐右面第三排, 古古怪怪咁 個婆婆有日好攪笑,
話說飯後有個雪糕食, 不過婆婆可能已經食得飽個頭, 但為咗唔浪費d
食物, 婆婆決定拎走食 不過更勁的係, 啊婆婆記得拎埋隻鐵匙用嚟
食雪糕 心感佩服!!!
講開團友一定要講一位帶有大陸口音的女仕, 團友間同佢安咗個名叫
"史太" 點解叫史太呢? 因為啊領隊叫史密夫, 有日落雨, 位團友冇啦啦
去庶去, 所以有團友叫佢做史太啦! 佢有咩特別?
佢特別衰格囉! 每次集合都係最遲係佢, 去洗手間多數都係一班咁去
架啦! 佢次次都等d人差唔多去完, 佢先再排隊喎! 終於我地成班團友
又要等耐d啦! 另外大家坐車都會坐死一個位架啦! 佢唔係喎, 佢又要
坐人個位喎, 仲要整到個位污污濁濁先俾番人坐, 勁衰格
有次去影朱麗葉勁多人要搶吓位先有得影! 老婆影完之後都我搶位,
點知突然殺出史太,  完全冇得搶, 一吓就俾佢搶咗個靚位!
另外有人個團友都好特別, 自己一個嚟, 而且途中完全冇影過相,
不過佢係外國做野, 鬼妹仔性格, 冇得講!