為食妹妹 VS 曳曳哥哥

妹妹已經4個半月了

成日食手指外仲好鐘意咬野.

最近婆婆開始比新鮮生果整既果蓉比妹妹食,點知佢吐喎!

我就去左護協買左bb米餅比妹妹試下

出奇地佢勁鐘意,食完唔夠仲喊仲攞食添~
(來緊星期六等我去bb展買多d好野比妹妹先)

話說有一日我係到食旺旺(其實d餅睇落都幾似bb餅)

妹妹見到已經眼金金咁,但佢等左陣都無得食覺得唔對路,點解無佢份既?

佢就開始喊啦!我為有比bb餅佢食,佢先至收聲

(心諗: 乜同阿哥一鬼樣,咁為食嫁)

每個星期日papa去睇妹妹,妹妹都好識做咁同papa傾計&玩,

攪到papa鬼死咁開心~

anson暑假都唔算好忙,都係平日(跳舞,畫畫),星期六日(學英文,游水)!

其實我都想報多小小野比anson學/玩.

講真成日流流長,只係對住爺爺嫲嫲真係會悶死!

無奈papa唔肯比anson報多小小興趣班!

而anson就...暑假來作反,上星期六日超扭計

依家成日問佢野又扮聽唔到,唔認人

已經話過好多次都係無改善!

papa話已經想出一連串既懲罰方案對付再係咁曳既anson.

希望anson醒醒定定,唔好再曳啦...