食物敏感??

好唔開心呀!懷疑anson佢食物敏感(依家未好晒)

事源上星期日學完游水食左少少火腿芝士包同飲左小小檸檬茶

下午同anson去左爸爸d親戚到飲茶,

食左d馬拉糕,炒飯,椰皇燉冠燕...

到夜晚食左金菇雞翼,西蘭花青口,合掌瓜紅蘿蔔湯!

之後食完飯半個鐘倒已經見anson起左d紅似蚊難咁,

再過多半個鐘又大舊左,之後即刻同佢去睇私家醫生

醫生都估計係食物敏感,開左d藥,食左後2個hours倒已退晒.

咁星期一返學同佢食多次藥,之後無再食啦!

到夜晚爺爺嫲嫲明知anson星期日晚出過敏感仲整鴨比佢食,

mama由婆婆到沖到返屋企已經見anson面仔,頸,身起晒紅色一舊舊咁,

好擔心呀!怕佢越來越嚴重同佢去左睇急症...

由11:00pm等到3:00am先有得睇,等候期間anson既敏感退下退下已經小左好多

去到見醫生都只係開左d抗敏感藥,見到anson咁真係好唔開心,好擔心佢又起過.

依家睇下食完藥會唔會退晒d粒粒,另外仲要戒下口先,戒一排先再食返d蛋,牛肉,蝦咁!