5個月啦~

話咁快妹妹就5個月,由3個月開始我同佢一齊係咁甩頭髮｡甩到依家都仲未甩完...

雖然anson細個都有好多玩具,妹妹都可以玩｡

不過MAMA又忍唔住手買左新玩具比妹妹玩~
咬咬報紙

撕唔爛、舔唔穿、可以洗，抓取時仲會發出膠袋聲!

妹妹勁鐘意呀!

除左鐘意玩外,妹妹為食性格亦表露無遺,見到人食野又眼金金望住...

話說有一日mama對住妹妹食米餅 (外型同妹妹食開既米餅差唔多)

妹妹又以為佢有得食,點知等等下發覺唔對路,點解無佢份?即喊!

又有一晚阿婆抱住左妹妹坐係到,之後阿婆攞杯飲水,

妹妹見到又攞隻手想抓住阿婆隻杯又想食呀!

見住妹妹一路抓,我又忍唔住一路笑

但係最近食餅仔唔知係唔係食得多,消化唔好,成日無便便添!

嚇到阿婆CC下,要停一排無得食餅囉~

至於anson,星期日先睇完醫生,氣管炎(感冒引起),要食5日抗生素

本身星期六同佢行落街,佢講野都好似唔夠氣咁已經心知不妙,

但又無咳,只有鼻涕!papa仲話唔覺anson有問題｡

好在星期日自己堅持要睇左醫生先咋!

昨日anson去探妹妹,希望妹妹無比anson野到啦!




[高脂物體Family] 已經登陸左Facebook 專頁

想知高脂一家既最新動態就Like--->高脂物體Family啦~

http://www.facebook.com/ansonyalison