美食巡禮

至從anson出世之後已經好耐都冇食過咩新的美食

但久唔久都會回味吓以前食過的美食既

近排就去食番池記同元朗的new york cafe

老婆食的雲吞麵, 仍然堅持傳統, 即係細細碗, 兩啖就食哂個種

個人嚟講係最無謂的傳統堅持 ~~ 至於味道我冇試過, 應該唔會差呱

反而薏米水老婆就讚不絕口, 我都試過冬天飲真係一流

我食的係皮蛋叟肉粥同蜆介鯪魚球, 粥底本身一般, 不過皮蛋係靚貨好香口

鯪魚球比平常的滑很多, 面的米通則很爽脆, 先脆後滑加上香口

而且絕冇腥味同我最怕的細骨 ~~推介

最後仲有個豆腐花, 埋單$90 貴唔貴? 見仁見智啦!!

之後的new york cafe, 我已經推介多次, lunch 由$38 至 $98 不等

本人覺得十分超值, 同樣款式, 絕對唔會係一般餐廳用咁既價錢食得到

今日的湯並不是過往我十分喜愛的忌簾湯, 換上了牛肉清湯

本來有點失望, 一飲之下有點驚喜

牛肉清湯並不清, 看相大家都睇到好油, 但飲落並不覺油膩, 我估係肉汁嚟

牛肉味非常濃, 同時間菇的香味都好強烈, 但兩者的味道唔會互相蓋過,

之前未試過這種湯, 很特別, 不過我都係鐘意忌簾湯多d

我的主菜係焗海鮮配辣椒麵包, 同我預期完全唔同

個焗海鮮的汁係pizza hut 海鮮寬條麵個汁, 不過更香更creamy

汁極多, 用嚟點麵包食, 極正~~ 麵包已經變咗我個主菜, 海鮮反而其次

全場最平的烤雞配寬麵 $38 已經包了飲品同甜品, 抵到爛~~

大家諗住行開元朗去試的話, 放棄吧! 因為此店已經發展到一定要訂位先食到

仲要預早兩三日訂喎, 店舖很細得7~8張抬左右, 位置偏僻

最近亦試咗pizza hut的新野, 唔知咩星星批, 外形同創意度都爆燈之作

妳可以用鬼斧神工或者鬼怪馬鹿嚟形容此批

之前放cheese係條邊,  pizza hut覺得好似work喎, 之後放腸仔又好似work喎

今次兩樣都放哂, 仲要放兩種cheese, 仲唔掂!!

唔掂的話 ~~ 再加過星星形狀過你, 嘩 ~~ 仲唔殺哂!!

不過好明顯, 今次係走火入魔之作囉

我估pizza hut 自己d師傅第一次望住個批都會好疑惑, 久竟有冇人會食架?

放心! 新野對香港人嚟講一定work

至於我 ~~ sorry 真係唔得, 連pizza的靈魂 ~ 茄汁都冇, 點頂啊!!