人生3大目標 - part 1(買樓篇)

今日終於完成人生3大目標之一啦

經過唔知幾多日的苦等, 終於買到人生第一坐樓

近幾個月晚晚都上網check住賣咗幾多個單位的日子

終於完啦~  之前真係睇到有d神經緊張

雖然往後的日子仲要忙mortgage, 裝修, 不過比起買樓

實在容易辦得多, 起碼可以控制係自己手上,

唔駛日日係到求神拜佛自己個心想單位唔會俾人選咗

講番今日個情況, 雖然我地11點先選樓, 不過8點半已經出咗門口

話哂都重大日子喎, 唔可以俾佢出現任何差池

出到去先9點幾, 當然食個早餐先啦

食完之後就去到選樓現場, 已經一大班人係到睇咁個大電視

睇吓邊個單位俾人賣咗, 我當然同班人做埋同一個動作啦

好彩仲未有人選, 之後坐到10點半, 職員安排我地入咗間房

做咩哩? ~~~  又係望住個大電視, 之不過有位坐咁解囉

終於等到11點啦! 心水單位仲係到


跟住職員又安排我地入另一個室, 對住一個更大的電視

(今日目的好似嚟睇電視咁)

不過今次唔係睇單位啦  今次睇的係選樓程序(勁悶)

15分鐘後選樓正式開始(我已經坐到放蚊中)

好在我地係那時段的頭幾個, 好快就選完

之後個1個鐘, 不繼地在唔同的地方等簽野

曆時個幾鐘 (再次等到想死中)

12點幾終於大致上完成所有簽名

跟住去埋hsbc做mortgage 同買本票俾首期

食飯過後, 又係等咗個幾鐘

今次係等交本票同簽臨時合約

最後一站係去律師樓簽樓契

完成時間5:00pm

人生第2目標都就快達成


唔知第3目標幾時達成呢?




P.S. mortgage唔夠時間問其他bank,只問了hsbc

因唔夠時間,如果hsbc比到我地想要既rate就唔洗再問其他

bank了.如果唔係下星期又要去其他bank傾了