new york cafe

昨晚先講完new york cafe, 點知今日下午就有機會去試試啦

事原某同事話今日復活節都要返工, 不如食餐好小小慰勞吓自己啦

就係咁我就推介咗同事去new york cafe食啦

唔知係唔係今日多人的關係, 我地只可以坐出面

不過天氣唔算太熱, 都幾舒服

再加小小幻想自己身處中環海邊的高級餐廳

感覺就好似開完個長途會議的CEO, 正在享受今日豐富的午餐一樣

休閒自在,


不過回到現實, 需要CEO個餐可能係$368, 我地只係俾$68

CEO坐中環海邊, 我地就坐元朗馬路邊, 都差唔多啫, 都係"邊"啊


最唔同的就係CEO食完之後可以想下之後打GOLF好定係出海好

而我地食完飯就要LA LA聲死番去開工啦

講回食物, LUNCH食的野同DINNER幾乎一樣, 連價錢都一樣

$68 4OZ牛抑連湯, 飲品, 不過今次仲有甜品添(上次DINNER反而冇)

我今次一樣食番上次的菜式 ~ 牛抑係因為要影張相比大家睇吓

質素同上次一樣, 不過賣相就差小小, 之前食個件牛排係有網紋架

這件滑一滑的牛柳,味道就VERY GOOD啦, 勁多肉汁,不過有小小根喎

扣小小分啦

唔好睇佢細細碟, 其實都幾飽,

有個女同事食到食唔哂 , 不過佢偷咗兩支餅乾(餐廳送的飯前小食)

飲多人半碗湯(因為好味, 所以連男朋友個碗都飲埋)

同埋男朋友的豬頸肉數舊, 唔飽先奇啦

另一個同事食烤雞配凱撒沙律 $38 ONLY

佢話D雞好淋, 又唔會好乾爭爭咁

仲話超抵食, 佢話家鄉雞都要$30啦

最後仲有芝麻雪糕做租品, 正

不過之後又要返公司繼續捱啦