和樂日式意粉屋

唔好以為小老婆有咗ｂｂ，我地就停止發掘美食

今次又有好野介紹俾大家，

地點係荃灣的荃新天地（即是萬景峰個商場）

食物種類：　主打意粉

平時叫野食，通常我都係到埋怨小老婆　～　妳諗完未啊？
快ｄ啦！　叫得未啊？　

不過今次調番轉，竟然我諗得耐過佢喎
　

因為一來小老婆有咗ｂｂ，選擇小咗好多
二來佢既選擇真係勁多，意粉種類冇一百都有八十種
大家望吓下面張相一碟碟全部都係意粉
而且每款都係可以係ｍｅｎｕ　搵到架
仲未計ｄ　ｐｉｚｚａ, 飯,  漢堡喎
如果大家係一個冇咩主見的人, 千奇唔好入去
包妳一個鐘都未諗到食咩啊

我就叫咗個蕃茄海鮮奶油麵, 先講配角海鮮
只可以用普通嚟形容, 大快活水準,
隻蝦就好小小, cheap cheap酒樓水準啦
主角當然係個麵啦! 基本上妳可以當佢係蕃茄白汁,
既食到平時茄汁的茄味但又同時食到白汁的香濃creamy的味道喎,
真係食完一碟, 即刻想嚟多round

小老婆就選咗菠菜三文魚麵, 我因為食咗我個麵d味太濃
完全食唔到佢個麵係咩味, 不過小老婆話都ok

下面個碟係蕃茄配豆腐, 賣相精美, 味道亦一絕
蕃茄同豆腐原來係可以如此配合, 真係估佢唔到
而上面個d唔係沙律汁, 係極香濃的芝士汁嚟架


另已經配合得一絕的菜色更加美味, 諗起都想食多次

d麵其實可以自己選, 有寬麵同意大利粉選,
而且仲有分regula同大size, 當然價錢係唔同啦
最特別的係可以選有或者冇garlic
不過我就食唔到garlic的味啦
價錢方面係偏貴的, 埋單要成$200
不過真係好想試埋其他的款式

另外一提, 早前同小老婆係元朗搵到一間
有酒店食物水準但超值價錢的西餐廳($68set dinner)
因為估佢唔到有咁高既水準, 所以冇同佢影相亦都冇寫上blog,
間野個名叫new york cafe, 下次有機會先再介紹


by 高脂物體