雀屎延續篇!

今日係高脂物體小老婆生日的大日子. 

本來計劃係去赤柱行街街,點知小老婆成12:00先起身.
仲要1:00先執好D眼耳口鼻. (計劃只好cancel)

之後落左樓下食lunch同帶熊人仔去洗白白!
有成10日見唔到熊人仔

(好寂寞呀!唔知熊人仔會唔會掛住我呢?唔知佢有無比人虐待呢?)

食飽飽之後,老公回左家掠衫,而我就將未做完的麵粉花上色!
到我老公掠完衫,老爺話"禿頭雀"個籠好dirty,叫我老公捉住禿頭雀先
(平時我一定會搶住捉禿頭雀嫁,不過今次唔得閒,比左個機會我老公)
當我同D麵粉花上上下色,突然聽到我老公大叫 :

原來係禿頭雀送左D屎比我老公!

佢今個星期已經中左2次雀屎.
究竟有D乜野玄機呢??
佢應該好快可以同D屎做好朋友.

(以下的由高脂物體所寫)
本來的行程因為老婆的遲咗起身, 要臨時更改一下,
最後只係去咗旺角行街街, 不過都買咗好多野,
首先買咗條短牛仔褲, 老婆成日都要我買多條短牛仔褲,
去到izzue老婆又叫我買啦! 不過最後我話貴所以冇買到,
之後行咗去bossini一睇, 又有短牛仔褲, 只買$99, 仲要同
izzue過條一鬼樣, 唔買真係對唔住啊老婆, 最後我買咗條細
碼, 我咁高脂都只係穿細碼, d大碼都唔知俾邊個穿囉

 

之後買咗個六合彩便條, 之前都見過, 不過冇買到, 係啊老婆
d同事聽到話好有興趣, 所以今次先去買, 我當然用double A
memo 紙啦! 正過六合彩便條多多聲啊

(其實仲有六合彩杯墊,不過無買)

再行咗一陣已經食飯時間囉!
今次我地食的好野係盛八, 是一間日本燒烤店來的,
我地叫咗一個$969 的套餐


不過匯豐credit card有50% off , 埋單$500左右啫!
等我續樣同大家講吓啦!

1) 盛八特式野菜沙律 ~ 其實同普通雜菜沙律冇咩分別
2) 盛八冷奴 ~ 個名就勁囉! 不過只係豆腐嚟啫, 超滑不過d汁較濃味
3) 日本產信州和牛 ~ perfect 

未之於入口即溶, 不過d牛味真係好香

4)  阿拉斯加長蟹腳 ~ 從未食過如此大的蟹腳, 比平時大一倍有多! 味道
     都好食以前過d, 不過我都係覺得街市最平的花蟹都好食過佢

5)  鹽燒依達赤豚肉 ~ d豬肉好肥架! 不過唔故得咁多啦! 成舊一之次過
     放入口, 嘩! 原來豬肉可以咁滑架喎! 不過都係牛肉好食好多!
6)  鵝肝鴨胸卷伴藍莓汁 ~ 這個係咁多款中最平凡的一款, 餓肝比
     鴨的味道掩蓋了, 所以只係食到鴨味, 不過d鴨都唔好食既!
7)  法式芥苿芓牛舌 ~ 牛舌係我最鍾意的食物之一, 不過只限老
    豆煮的那種牛舌, 今次食到的牛舌完全另一種感覺, 論味道似食
      和牛多過似牛舌, 質感也比平時爽口! 
8)  意大利香草雞腿肉ver.2.0  ~ 一塊綠色的雞, 因為勁多香草,
         食落去反而唔覺有咩香草味喎!
9)  特上和牛炒飯 ~  同平時食個d冇咩分別啫
10)  意大利天然低脂雪糕 ~ 上次係todai食芒果雪糕總係欠咗d野,
        今次係到搵得番啦! 咪就係忙果味囉!
食飽飽之後, 我地仲去咗jusco 十蚊店買咗好多花盆仔添!(麵粉花用嫁)