$10,000 酒席 ~ 咩料哩??

早幾日老婆去咗飲, 地點係sheraton, 而據聞酒席要成萬蚊一圍 
從得知有機會試吓成萬銀酒菜個日開始, 我已經久唔久係到諗吓
成萬蚊食咩哩? 會唔會一人一隻鮑魚哩? d翅會唔會多到嚇死人哩?
總之兩個字總括: 期待 
終於等到今日, 先講講個環境 ~  只係ok靚! 未去到 "嘩" 一聲個種,
不過進場過時d燈光效果, 可以比美演唱會過d, 好勁!! 就好似耀彩幻
香江迷你版一樣! 另外仲有煙霧效果同噴雪效果, 但係煙霧效果只係
進場前的門外做效果, 想信好多人都睇唔到, 而好多人睇到都一定 "車"
一聲, 個效果就好似水滾時d煙咁弱雞!  而個噴雪效果一定得唔到主家席
的人歡心, 因為d雪從高而落, 直至地下, 頭頂, 以及他們的飲品上
跟住例排咁播吓片, mc講吓野咁啦! 不過對mc講d野都幾攪野!
係攪野, 唔係攪笑! 佢地只係不繼多謝從遠方來臨的朋友, 跟住多謝爸爸
媽媽,  多謝女家的爸爸媽媽, 多謝啊姨媽姑姐, 啊三舅父,
啊四姨太.......... 直至數到七舅公  仲要一句中文之後另一個司儀
講一句英文, 提供nicam服務 足足講咗5分鐘!
今次係我見過最無創意的台詞, 我諗都唔會有人創作到比這個更無聊
的台詞啦!
大約9:15 第一道菜乳豬終於出場啦!  總有片薄餅好似北京填鴨咁食
不過唔掂 d乳豬已經諗咗!
之後有xo醬炒螺片, 得xo醬味之外就食唔出其他味, 冇論我擺塊魷魚or
擺塊螺片入口都係一樣味既
跟住的菜都係同平時幾千銀一圍的菜差唔多, 鮑魚就冇啦, 鮑片就有兩塊,
不過都ok好食既, 係我期望太高啫! 食到隻雞過時, 已經係11:00啦
再嚟過紅棗糖水時已經係11:30, 一上生果盤, 火速食了兩舊 ~~ 走人!
當時還未有人送客, 我結婚時11:30已經同經理埋咁單啦!
另外一提就係中場的遊戲都好悶, 現場接花球, 鬥快係報紙尋廣告, 同埋
叫現場來賓入利是 ~ 再抽過d哩! 就係咁我冇咗$40
不過有一到幾欣賞, 就係敬酒啦! 佢地叫所有主家席d人上台再同台下的人
一次過敬酒, 勁快同方便!