今年終於去到游水啦!

今日無所事事下, 終於去咗游水啦!
事關對上一年都未游過水, 夏天就離我而去啦

再對上一年都好似無咩游過, 唔知今次會唔會係今年
最後一次游水呢? 希望唔好啦

不過未去游水之前, 要去買泳鏡, 所以同老婆去咗市中心
行街街先, 去到女裝泳衣部, 見到女裝泳鏡$20, 個樣都ok架!
之後再行咗陣搵吓有冇其他好d既泳鏡, 不過其他最平都要$80左右,
都係唔好諗啦! 就買$20那個啦! 我同老婆最後一人買咗一個, 無錯
連我都買咗個女裝泳鏡, 不過其實個泳鏡無咩款, 男女都用得架!
跟住我地就坐車去泳池, 去到發覺都唔係咁多人, 不過個細池
都唔係好游到, 游兩吓就要停啦! 跟住我地都係過番大池游,
不過老婆就驚驚地, 要貼住池邊游! 游到5點左右就反屋企囉!

by 高脂物體
13/7我地會同 高脂物體的朋友去"美麗華商場的 Todai"食buffet
好期待呢!!

不過....我最近肥左好多呀!!有D擔心...
係時候要減肥啦!!