屯門victy 都開咗一排, 除咗小型一田行過一陣, 其餘地方都仲未行過
不過入面都有唔小食市, 高脂家咁為食, 點都要試一試
本來第一砲想試"牛角燒肉店" , 點知平日的lunch 都要排到唔知幾時先有得食
所以最後選咗這間羅麥記作為vcity 的第一砲
裝修以60-70年代為主題, 論裝修就贏哂架啦, 再配合埋menu 絕對得人歡心
不過以過往經驗嚟睇, 通常以d 餐廳都係食裝修, 試一次就夠哂
羅麥記又會點?? 下面再講
我地好彩地試咗兩樣野啫, 1) 雞翼撈丁 - 求鬼奇, 是鬼但但之作
求奇地搵d 瑞士汁撈兩野, 是鬼但但咁煮隻雞翼, 雪味都未除就上抬, 夠膽死收我 $50大元
2) 磚頭焗豬排飯
一上抬, 心諗出事啦~ 點解十幾年冇見過既橙色無味茄汁, 會係依到見到架!!!
裝修懷舊就算啦, 點解連食物都返去十幾年前既水平啊~
依上係未食時既評語, 以下是試食後的評語
汁如我所想的一樣 ~ 無味
豬排, 下等到冇得再下等, 用茶記最撚手既調味料醃制, 出嚟既作品亦係十幾年前茶記水準
肉諗身到到唔知想點咁, 豬味冇都唔緊要啦, 取以代支既係疏打粉既怪味
洋蔥係8成生的, 飯底全靠見到蛋絲先知炒過, 飯只得半個麵包滿, 唔知係d廚懶定係d飯貴啦
咁有傳統茶記特色的豬排飯加個大麵包 $75大元
下面張圖唔係偷影架, 就係我的座位既前面, 任影唔嬲
唔知係貫徹60-70 年代的風格定係其他原因啦
真係好耐冇係大商場見過水準如此低既餐廳
老闆既經營手法 - 著重裝修高於食物水平咁多
餐廳經理既管理 - 食材既擺放要求低到咁
大廚既技巧之低 - 其實真係俾多小小心機去煮都唔會有咁既質素,
仲有佢地連小朋友都做得好既jelly 都可以整得味濃而過硬, 大家明白啦
在此強烈建議大家不要品嘗此餐廳,
係沒改善的情況下, 預計此餐廳會係vcity 第一間結業的餐廳
沒有留言:
張貼留言