IKEA 2014 新目錄 @ blogger gathering

高脂家每年都有幸地參加ikea 的blogger gathering, 

佢地既gathering 每年都咁驚喜! 

不過妹妹仲細, 所以今年都暫時留係屋企, 

避免佢嚟到攪攪陣, 希望下年有機會真係一家人出席啦~

2014年新品除咗家具之外, 連佢地餐廳的menu 都加咗好多新菜式啊~
不過有部分食物只限九龍灣店發售~

ikea 的肉丸夠哂經典, 不過都可以攪攪新意思既
加番芝士同微型漢堡就變咗一個新菜式了

岩哂小朋友食 

煙三文魚亦係ikea 受歡迎菜式之一
今次加埋沙律菜伴碟, 高級咗又建康咗

anson 就好鐘意飲ikea 既湯,
今次新推出蘑菇湯仲有好多磨菇粒, 非常香口架

雞肉蕃茄菠菜麵,又一健康之選

anson都話好味!

主菜方面亦新增咗幾樣菜式,
之前食嚟食去到係個幾種, 真係食到悶悶地

另外papa 最鐘意個無骨燒豬手,
仲記得n 年前ikea係有豬手食架, 仲要係成隻上

睇就好睇, 不過食落就幾煩啦~ 

今年出番個無骨版豬手, 味道一樣而且食得更加方便, 正~

anson 最鐘意食咩? 一睇就知係燒羊架啦~ 

係多次要求之下, 最後廚師煮多一碟俾anson

另外仲可以加$要埋又健康既粟米同菇菇

紅桑子芝士餅

講完食物, 當然要講番吓d家具啦

當物價不繼高漲之時, ikea 仲可以不繼創新低價

原來個中既原因並唔係之前賺得多可以再做減價,
而係不繼研究點樣節省成本

好似下面的床單咁, 因為改改個packing由大變細 ,
令到運輸成本減低, 所以就可以再減低成本做出創新低價啦~

alison 最需要既新產品就係以下個便壺, 依個係新出既自理系列

中間綠色既部份可以分開拎出嚟,
咁小朋友就可以方便地自己攪點番自己既便便啦

當然此舉有一定危險性, 一覺唔覺意小朋友撥到成屋到係就大件事,
所以大人都要睇實d

anson 最鐘意就係下面個畫架連卷裝畫紙



一拉畫紙出嚟就可以畫野, 想畫幾長既巴士都得啦~

papa 最鐘意係依張茶几,
所有雜物撥鬼哂落d洞就可以整整齊齊, 非常方便

mama 最like 就係依個門掛架,
一來design 靚加上有安全設計, 二來係黏貼的, 想貼係邊都得

衣柜無手把設計方便小朋友開櫃關櫃,唔怕夾到手仔,
亦唔怕行行下盲仲仲一野撞埋去

書檯設有較高矮既檯腳
除住小朋友成長可以調教高度就得
唔洗下下換過張書檯

兩用床,床可上下倒轉嫁!
小朋友既一定好開心,
得閒轉下,上架床又得,下架床又得...得左~

其實仲有好多正的新產品, 不過係到真係講唔哂 



最好當然親身去ikea 睇啦!
唔得閒既都可以上佢地既網站睇睇


同埋大家記住拎番本2014 既ikea Catalogue

入面有個手機apps 幾特別, 要用埋本Catalogue 先玩到架

詳細資料可到Ikea網站: http://www.ikea.com/hk/zh/

[高脂物體Family] 已經登陸左Facebook 專頁

未Like既快d去Like---> 高脂物體Family啦~

http://www.facebook.com/ansonyalison