又暈過

昨日小老婆放工係南豐等車返屯門.
等等下見唔對路,開始睇唔到野,呼吸唔到咁,
又標冷汗!

(其實小老婆係未有bb時都會有lee
d情況發生,而有左之後都試過好幾次了.所以都唔係太驚)
於是,小老婆唔理咁多了,即刻坐左係地下到.

其間亦有好幾個有心人問小老婆有無事!
小老婆亦多謝佢地既關心.亦同佢地講
坐一陣就無事嫁啦!!

坐多一陣開始無事啦!亦睇到野.於是又繼續等車返屋企了!
返到屋企同左奶奶講,老爺奶奶你一言我一語.
高脂覺得佢地好煩,

仲叫我唔好同佢地講咁多野!
老爺奶奶聽到高脂咁講當然唔多開心啦!
最後奶奶就整左紅棗水比我飲(佢仲話落當歸,不過比我reject左)

返到入房又比高脂

話我夜晚食得小野!
我已經同佢講狙好多次(由結婚開始已經話)
老爺煮野又鹹又油,佢地食個D野我又唔鍾意食.
我本身唔多好食牛肉

(但佢地有10餐起碼8餐都食牛)
點食呀!
好啦! 大肚婆突然間想食某D野,次次同高脂講
佢一定話老爺買左餸,叫我明日先食.
咁咪算囉!唔食囉!

(我明日都唔想食啦)

下個月照結構睇下bb細唔細先.
bb細粒都要買定罐孕婦奶粉飲,谷肥bb先得!
各位準媽媽你地飲開邊隻孕婦奶粉呢??

1)喜康素---0%脂肪,而且d味我都接受到(高脂就接受唔到)
2)雀巢-----都ok!
3)惠氏-----未試過
(剛剛收到惠氏bb會既tel,話有推廣$62.5/罐
媽媽奶粉,買1罐仲要包送貨+送胎教音樂1隻)