x先生: 請問!#%$&xyz 人啊?
高脂: 吓
x先生: 請問你地&%&%係*^x...請人啊?
(都係聽唔到佢講咩, 憑請人兩個字先知佢見工)
高脂:
x先生: ( cut 線 ) 勁冇品
個案2
y小姐: 請問妳地公司係唔係搵人啊?
高脂: 搵人? 搵咩人啊
y 小姐: 你地公司登咗報紙.....(佢最後都係冇講請人兩個字)
高脂: 唔好意思請咗啦
家陣市道係唔係真係咁好呢?
個個都出嚟搵工, 不過d人既質素真係差到無倫
連過第一關的能力都冇 (電話預約) 點會做得好份工啊?
唔計預約唔到個d人, 就算上到嚟見工過d都唔好得去邊
唔知係唔係我地公司係元朗的關係呢?
早排請咗個新人都好攪笑
返咗幾日冇啦啦唔見咗人, 電話都冇個, 打俾佢又唔通
之後個日返到嚟佢話阿媽中風入咗院,
不過佢一d擔心的表情都冇架喎
好啦! 過咗幾日又唔見咗人啦喎, 又係搵佢唔到佢
過咗兩日終於打返嚟, 話阿媽死鬼埋,
又信多佢一次啦, 不過之後見佢返工後表情又係好正常架喎
又過咗幾日, 佢又失蹤咗啦喎
今次佢一去不返啦, 連人工都冇追番我地
所以現在我地公司又請人啦
現在以下一段為聘請廣告:
現聘請發票文員一名, 元朗區工作, 人工$6500, 經驗學歷不限
有意者在此留言啦
我之前做個間公司又係架d人....
回覆刪除做幾日又唔見左人架...
有個仲攪笑....好記得前1日仲1齊打機...仲話第2日再玩過
點知第2日就唔見人啦
嘩, 乜d人真係可以咁騎呢架.....不過, 你公司出手又好似低左多喎
回覆刪除