勁玩長隆 - first day

出發前夕 ~~
星期六晚收到朋友電話俾我同我講: anthony 俾個壞消息你哩!
anthony: 咩壞消失啊?

tracy: 明天集合時間6:30
anthony:

吓! 6:30 

(音量即時提高幾倍)
tracy: 粉領的話可以7點
anthony: 咁都好d, 就粉領啦
就係咁! 有史以來, 最早既短線旅行集合時間就係今次長隆之旅啦!
星期日出發囉~~
今日5點半左右起身, 6點已經出咗門口, 平時訓到仲未有知覺

落到街, 天都未光哂! 好彩一落到街就有車啦! 6點8左右已經
到咗粉領!
去到第一個景點~冬蟲草養殖場, 先至9點幾, 由於仲係夢遊階段,
現在已經唔多記得睇個d咩 不過嚟咁既環節我就非常記得啦!
究竟係咩好玩野, 另我印象深刻呢? 非也 當時既時間係10:30
我....非常肯定, 導遊當時同我地講: 

我地依家去食飯啦!!!!

我即時醒神哂, 仲好激動咁講

: 食飯?!! 10點半咋, 平時先剛剛起身!
不過係冇得選的情況下, 只可以照食! 不過正當冇咩胃口之際,
見到d菜色之後另我的食慾進一步下降....食d咩? 自己睇啦! 

不過咁早食飯都好, 因為可以早d去歡樂世界玩! 我地玩既時候長達
5個小時, 差不多玩足成個下午!

首先我地玩咗個4d影院, 初時都冇咩期待, 不過通常冇期待既野都
會帶來驚喜, 今次都不例外! 套野要帶3d眼鏡睇, 個3d效果真係做
得出色, d野飛埋嚟個時, 妳真係俾佢嚇到要避架, d女仔仲要大聲
尖叫添, 都真係幾勁! 至於另一個d, 通常都係噴吓水, 吹吓風就叫
4d, 長隆個4d都有這些普通野,當然我講得有普通野, 更係有特別野啦!
睇睇吓之際, 畫面出現咗一條野, 係到"了吓了吓" 咁, 跟住我就感覺
到我patpat位置有d野係到" 了吓了吓"喎, 嚇鬼得我啊! 仲有其他驚
喜野, 不過唔係到講啦! 免得想去既朋友門失咗驚喜啦

(由於極度眼訓， 高脂物體寫住咁多先, 待續)