話說星期六anson下午話小便痛,當日飲多d水都係咁上下!
當晚anson仲好擔心,係咁話佢小便個到會唔會爛嫁??.gif)
星期日一早去小便都仲覺痛於是決定睇醫生~
Papa就覺得嚴重想去急症,但Mama就覺得唔係好大件事去私家睇都ok!
就係咁又嘈左一大輪,總於去左睇私家醫生.
去到醫生話anson發炎!
開左抗生素,消炎藥,抗敏藥,洗傷口水(清潔),藥膏...
返到屋企同佢用洗傷口水清潔見佢有血,.gif)
嚇到我即刻打比醫生
嚇到我即刻打比醫生
醫生就話正常的!好在朋友個囝囝都試過,都無咁驚!
(唔知係唔係小朋友d皮薄會有咁既情況)
希望anson快d好返啦
另外mama一直都想開篇blog講既,
生完alison一直都屈住係個心到都無講出來!
生完alison一直都屈住係個心到都無講出來!
係陀alison時papa一直做晒屋企所有家務,
生完alison之後又要湊埋anson,直至mama坐完月回家住為至...
我都知papa辛苦的
(男人通常做野求期d,不過肯做就算啦,mama都唔會咁多要求既)
但係到mama餵人奶時真係幾辛苦嫁,又唔夠訓,又要泵奶洗泵steam泵...
自己餵得咁辛苦,老公一句安慰.支持既說話都無句!
家務又要開始做反晒,有時叫老公幫手做少少野又話我好點佢做野.
好多時同老公既意見又分歧,成日話我乜都reject佢
有時都會好谷氣仲會同佢嘈.gif)
,不過都知老公都好辛苦好多野做,
,不過都知老公都好辛苦好多野做,
好多時我某一d野我都會唔出聲吞左道氣就算.
有時返到屋企有anson痴住都好少同老公傾計
唉!終之就唔係咁開心囉....gif)
唔好亂諗野,凡事諗埋另一邊,可能佢工作辛苦,其實做daddy mummy都辛苦,daddy唔知mummy辛苦既野,mummy又唔知daddy有d野辛苦,有咩唔開心講出黎會好好多~我老公都係咁啦,叫佢做野又話佢做野辛苦過我,但佢又唔知我返工要集中精神,抖都冇得抖,放工又要湊Daniel,真係得訓覺o個幾個鐘有得抖下,但我都知佢返工時間長係辛苦既,成日要企,所以我都有唔開心,但諗埋另一邊條氣又順返d~唔開心時攬住個仔又開心返晒,你有仔有女攬添,你好幸福呀,我好羨慕你呀~~
回覆刪除[版主回覆10/11/2012 14:02:28]其實我都知老公做野辛苦既,如果唔係佢湊anson我邊有時間去掃平野shopping呀而且佢都肯湊囡既,雖然個囡唔跟佢~
我都係呻下,呻完無事囉!你都快d生返個,多個細佬妹陪真係唔同d,
anson一見細妹係到都成個大哥哥咁,細妹又好like痴住anson喎!
係要呻架，呻完就會好好多，明白你既辛苦，又要餵又要泵，仲要搭車走來走去，又要返工，真係人都癲，有機會，搵日同老公2人世界，大家傾訴番，你明白佢既辛苦，但希望佢都體諒你，咁樣對你2公婆會好d，我都發覺，自從生埋第二個，同老公既單獨相處時間真係少之又少，男人，都係大細路一名，都係要人氹既，加油呀
回覆刪除[版主回覆10/15/2012 10:20:58]係呀!生完第2個直頭無晒時間,不過好在阿婆湊阿囡,我地先輕鬆d~
darling 唔好唔開心啦~ 你地兩公婆個心都係為左一對仔女而努力, 有時男人就係唔太識表達自己, 但唔代表佢唔CARE 你呀! 你老公仔之前都肥肥0地, 但你生完ANSON 後, 我見佢D相瘦左成個碼, 我想佢都為左個家勞心勞力~ 有時兩公婆有咩唔開心, 冷靜咁講俾對方聽, 有D 0野唔講, 對方唔知的~ 加油呀 DARLING～
回覆刪除[版主回覆10/15/2012 10:20:03]多謝你呀
都唔知點解好多男人都係老婆生完BB就瘦嫁!
但係永遠肥係女人到囉...唔公平呀
其實我地都無野既,呻完就無事囉
is anson got inflected?
回覆刪除