親子創意年花設計比賽

上一次咪講學校要開新年party+親子創意年花設計比賽

Mama都一路掙扎參唔參加好 (因上次聖誕樹比賽個個家長都做到鬼咁靚)
最後Mama都係試下做啦!
交到就交,交唔到就算吧...

今次決定做麵粉花
如果有時間其實考慮做桔仔,不過時間真係唔夠決定做五代同堂
(為左慳麵粉決家用發泡膠放係入面)

頭2晚做得個4粒,之後個幾日又眼訓無做到喎

諗諗下發覺時間唔多夠添!
連續2日發力做呀做呀.(1晚做到2:00am,之後個晚又做到4:00am)
做好之後mama唔知係唔係唔夠訓+凍親病左了
同日anson又病喎(學校又好多同學病左...)
一齊去左睇醫生

其實盆野做完但顏色比較淺色,而且唔係靚囉!
本來想再油深d但d顏色又要等幾日先乾
都係等anson交左返學先啦!later先再油過...
(我21/1油嫁到依家d顏色都仲未乾晒的)

anson學校又派左佢既最新作品回來
學校又派左d益力多既單張,仲送左包益力多顏色筆添~
anson 返學返得多, 學會舉手!差唔多食哂d飯個時,
anson舉手同我地講 "我要冬菇, 我要蛋蛋, 唔該~"

屋企日日都好凍呀!日日都開住個放濕+暖氣機(仲有負離子功能)
由於屋企近山成日都好潮濕
papa有朋友有discount仲買多部抽濕機返來比市價平成千蚊呀!