點知星期三朝早婆婆打來話anson一早食完奶就嘔
(好在婆婆抱住左anson嘔左落d衫同地下到,如果唔係張床就...)
醫生話anson喉嚨2邊紅左同腫,而且有d鼻水,
開左d燒炎藥,鼻水藥,退燒藥,仲開定d止嘔藥
而anson成日都好無精神,訓得好多.
而且仲無乜胃口,唔多食野.
個晚都仲發燒燒到39.2度.好在好快又去返38.4度咋!
總之成晚mama同婆婆都無覺好訓.
直到星期四下午先開始無再發燒,不過anson就唔多食野同飲野
仲成日指住個口入面好似話比婆婆知個口入面唔舒服咁??
(唔知知係出牙牙肉痛/生飛滋/others??)
又成日同條脷"了"個口入面
到星期六anson都係胃口不大,成日都唔肯食野/飲野
平時200ml奶係飲晒嫁!依家飲左120ml就唔飲啦.
都唔知佢做乜希望anson快d無事啦!
我個囡之前都係咁.
回覆刪除個醫生說係手足口病呀.
吃了5日藥就冇事了.
哎呀, 咁like食野既Anson都食唔落野, 一定好唔舒服啦 ~ 可能生飛滋呀! 要快D好番啊~
回覆刪除Anson仔要好好保重......我地等緊睇見"活潑"嘅你再度出現嫁........祝早日康復!
回覆刪除嘔真係好辛苦...Daniel嘔左幾日瘦晒,嘔到佢驚
回覆刪除