不過今次由papa自己帶anson上堂
去到幼稚園門口, 因為時間尚早要係門口等miss 帶入課室
miss 一出現, anson竟然帶頭跟住miss 行入課室
之後miss就叫小朋友坐定定玩吓玩具先, anson此刻仍算合作
之後就排排坐, 開始聽miss上堂, 7個小朋友中, 有6個肯坐定定
平日冇時停的anson竟然係其中一個
今堂係教colour, anson 基本上只得小量顏色的概念
仲要佢用普通話講出嚟, 全場最細既anson完全冇可能做到囉
基本上年齡較大的小朋友都係講唔出~
唔知miss有冇諗過依個問題哩
之後玩咗小小mini game同跳舞唱歌, 今次係唱"我是茶壺"
第一次聽, 個個小朋友都冇咩反應~
miss為有再播多次, 今次開始有d小朋友跳吓啦
點知miss又再播多次喎, anson已經不耐煩咁走開咗去玩玩具
如是者, miss最後一共播咗5次~ 真係閒水閒力
最後食茶點, 上次mama上堂anson飲完水之後玩噴泉咁吐返d水出嚟
所以papa早有準備拎張紙巾出嚟兜住
不出所料, anson真係噴番出嚟
點知miss知道anson有前科, 即時拎出比我多10倍的紙巾出嚟兜住
最後食完茶點就放學囉, 仲派埋校服添
今堂只得7個小朋友上堂, 比上次小, 不過因為都好有好多家長,
環境都算幾迫
另外可能小朋友都比較大, 沒有好似上playgroup時咁, 有d小朋友會喊
而今次幼稚園俾我的感覺係準備不足
有咩理由要個2歲小朋友用普通話講顏色架
有咩理由要聽5次 "我是茶壺" 架
希望今次可能係預備堂的關係先咁差啦
anson papa上完唱遊班收到校服就同anson試了!
不過只係試左衫無試到褲囉!
其實上次miss都有放歌仔, 不過係放2首歌就唔係好似你咁係咁重播囉. miss教野就當然想小朋友參與啦! 如果唔係一陣d家長又會覺得乜得老師講 小朋友就咁聽完就算嫁啦. 其實上次miss教都有d小朋友都識講嫁! 只係anson係全場最細+未識講姐!
回覆刪除我都好同意你講法.....年紀噤細就要學普通話.....(而家連廣東話都未講得正)佢地辦教育都好應該細心諗下唔同年紀應該學咩野係最配合......
回覆刪除[版主回覆06/18/2010 17:11:00]其實到返學時學校都係一個星期一堂普通話 (我想連教都唔會多過30mins既) 無法啦!依家社會係要學多d野先好, 我覺得小朋友都好辛苦!